क्यूआर कोड स्कॅन करा, निवृत्ती वेतनासाठी एनपीएस खाते उघडा! जाणून घ्या संपूर्ण प्रक्रिया आणि फायदे...

मुक्तपीठ टीम

बँक ऑफ इंडियाने पेन्शन नियामक पीएफआरडीए (PFRDA)च्या सहकार्याने एक नवीन डिजिटल प्लॅटफॉर्म लाँच केला आहे. या प्लॅटफॉर्मच्या मदतीने ग्राहक मोबाईल फोन वापरून राष्ट्रीय पेन्शन योजना (NPS) खाते उघडू शकतात. राष्ट्रीय पेन्शन योजना (NPS) ही भारत सरकारने सुरू केलेली सेवानिवृत्ती बचत योजना आहे, ज्याचा उद्देश नागरिकांना आर्थिक सुरक्षा प्रदान करणे आहे.

कसे काम करते नवीन एनपीएस डिजिटल प्लॅटफॉर्म?

ग्राहकांच्या मोबाइलवरून क्यूआर कोड स्कॅन केल्याने एक वेब पेज उघडेल.
येथे ग्राहकाला आधार, बँक खाते यासह इतर प्रकारची माहिती द्यावी लागेल.
यानंतर UPI द्वारे पेमेंट करता येईल.
बँक ऑफ इंडियाचे महाव्यवस्थापक डी एस शेखावत म्हणाले, “क्यूआर कोड स्कॅनिंग आणि युपीआय द्वारे पेमेंटसह हे प्लॅटफॉर्म सादर करणारी आम्ही सार्वजनिक क्षेत्रातील पहिली बँक आहोत.
या प्लॅटफॉर्ममुळे कोणत्याही कागदपत्रांशिवाय एनपीएस खाते उघडता येते.

‘एनपीएस’ खाते म्हणजे नेमकं काय?

एनपीएस हे प्रथम जानेवारी २००४ मध्ये सुरू झाले होते.
ते केवळ सरकारी कर्मचाऱ्यांसाठी खुले होते.
यामध्ये कोणताही भारतीय नागरिक, भारताच्या किंवा जगाच्या इतर भागात राहणारा आणि त्याचे वय १८ ते ७० वर्षांच्या दरम्यान असेल, तर तो या योजनेत गुंतवणूक करू शकतो.
नॅशनल पेन्शन सिस्टम किंवा ई-एनपीएस हे पेन्शन फंड रेग्युलेटरी अँड डेव्हलपमेंट अथॉरिटी (PFRDA) द्वारे नियुक्त सेंट्रल रेकॉर्ड कीपिंग एजन्सीज (CRAs) चे ऑनलाइन NPS ऑन-बोर्डिंग प्लॅटफॉर्म आहे.
येथे पेन्शन फंड शिल्लक आणि एनपीएसशी संबंधित इतर तपशील तपासता येतील.
एनपीएसही जगातील सर्वात कमी किमतीची पेन्शन योजना मानली जाते.
यासाठी, टियर १ खात्यासाठी प्रति वर्ष किमान १००० रुपयांची गुंतवणूक आवश्यक आहे.
यासारख्या छोट्या गुंतवणुकीसह, सेवानिवृत्तीच्या वयापर्यंत पोहोचेपर्यंत एक मोठा निधी तयार करण्यासाठी चक्रवृध्दि शक्तीचा पुरेपूर वापर करता येईल.