राज कुंद्राचे 'पॉर्न’ताप, शिल्पा शेट्टीला ताप!

मुक्तपीठ टीम

बॉलिवूड अभिनेत्री शिल्पा शेट्टी ‘सुपर डान्सर ४’ या रिअ‍ॅलिटी शोमध्ये जज आहे. या शोचा सीजन ४ सुरु आहे. दरम्यान सोमवारी रात्री शिल्पाचा पती राज कुंद्राला मुंबईच्या गुन्हे शाखेने अश्र्लील चित्रपट बनवण्याच्या आरोपाखाली अटक केली आहे. त्यामुळे आता शिल्पा हा शो जज म्हणून करणार की नाही? असा प्रश्न निर्माण झाला आहे.

मंगळवारी ‘सुपर डान्सर ४’ चं मुंबईत शूटिंग पार पडणार होतं. मात्र राज कुंद्राला अटक झाल्याने शिल्पा शेट्टी शूटिंगला पोहचली नाही. राज कुंद्राचे पॉर्न’ताप’ लक्षात घेता शिल्पाला पत्नी म्हणून सार्वजनिक ठिकाणी जाणं अवघड वाटत असावं. सोनीचा हा शो खूप लोकप्रिय असल्यामुळे स्वाभाविकच शो मस्ट गो ऑन भूमिकेतून सोनी शो पुढे नेण्यासाठी अभिनेत्री करिश्मा कपूरला स्पेशल जज बनवण्याची शक्यता आहे.

हेही वाचा: कपिल शर्माने राज कुंद्राला विचारलेलं, “काही काम न करता इतके पैसे कसे कमावता?” उत्तर आता मिळालं, वाचा चॅट्स!

शिल्पा आता काय करणार?

काही व्हायरल बातम्यांनुसार, मंगळवारी २० जुलैला मुंबईत डांस दिवानेच्या पुढील एपिसोडचं शूटिंग पार पडणार होतं.
शेवटच्या क्षणी शिल्पा शेट्टीने तिचं शूटिंग रद्द केलं.
या भागासाठी अभिनेत्री करिश्मा कपूर गेस्ट म्हणून हजेरी लावणार होती.
आता शिल्पाच्या जागी करिश्मा कपूर या एपिसोडमध्ये स्पेशल जज म्हणून सहभागी होण्याची शक्यता आहे.

शिल्पाला पर्याय करिश्माचा?

शिल्पाने काही पर्सनल इर्मजन्सी असल्याचे कारण देत शोच्या शुटिंगसाठी उपस्थित राहू शकणार नसल्याचं सांगितलं.
सुत्रांच्या माहितीनुसार शोच्या टीमने आता करिश्मा कपूरलाच पुढील दोन दिवसांसाठी लॉक केलं आहे.
एवढचं नाही तर शिल्पा जर शोमध्ये पुन्हा आली नाही तर करिश्मा कपूर शिल्पाच्या जागा घेऊ शकते.

लवकरच शिल्पाचा ‘हंगामा-२’ हा सिनेमा येत्या २३ जुलैला ओटीटीवर प्रदर्शित होत आहे. त्यामुळेच गेल्या काही दिवसांपासून शिल्पा सिनेमाच्या प्रमोशनमध्ये व्यग्र होती. मात्र, नवऱ्याच्या भलत्या हंगाम्यामुळे तिचा नव्या चित्रपटाचा आनंद मात्र हिरावला गेला आहे.