#मुक्तपीठ बुधवारचे टॉप १० व्हायरल बातमीपत्र

गुन्हे महत्तवाचे : 1)सायन येथील रुग्णालयातील एका नर्सला प्रेमाच्या जाळ्यात ओढून एका भामट्याने तब्बल ४० लाख रुपयांची फसवणूक केल्याचे प्रकरण समोर आले आहे. अखेर या नर्सने अँटॉप हिल पोलिस ठाण्यात तक्रार केली आहे. विशेष म्हणजे विवाह जुळविणाऱ्या वेबसाइटवर ओळख झाल्यानंतर नागपूरचा हा तरुण नर्सच्या घरी येऊन तिच्या आई-वडिलांना भेटूनही गेल्याचे तिने तक्रारीत म्हटले आहे. 2)दूध केंद्राला लावलेले सील काढण्यासाठी मद्याची बाटली आणि १५ हजार रुपये लाच मागणाऱ्या वरिष्ठ लिपिकाला एसीबीच्या पथकाने अटक केली. बापू चोरगे असे या अधिकाऱ्याचे नाव असून हा लिपिक आरेच्या गोरेगाव येथील डेअरीमध्ये कार्यरत आहे. 3)वढू खुर्द येथील माने वस्ती परिसरात मुलानेच आईचा प्रेयसीसोबत मिळून खून केल्याचा धक्कादायक प्रकार समोर आला आहे. खून केल्यानंतर उसण्यापैशासाठी एका व्यक्तीने खून केल्याची मुलाने पोलिसांकडे खोटी फिर्याद दिली होती. पण, पोलिसांनी कौशल्याने तपास करून त्या मुलास अटक केली. सतत होणारा वाद व प्रेमात अडसर ठरत असल्यामुळे त्याने खून केल्याचे समोर आले आहे. 4) रेल्वेत नोकरी लावण्याच्या बहाण्याने तरुणांना लाखो रुपयांचा गंडा घालण्यात आल्याचा प्रकार अंबरनाथ पोलिसांनी उघड केला आहे. याप्रकरणी आयआरसीटीसीच्या एका कर्मचाऱ्याला पोलिसांनी बेड्या ठोकल्या आहेत 5)मुंबईतील खार परिसरात चॉपरने मारहाण करुन लोकांना लुटणाऱ्या तिघांना अटक खार पोलीस आणि वांद्रे पोलिसांनी अटक केली आहे. त्यांच्याकडून चोरी केलेला मुद्देमाल आणि गुन्ह्यात वापरलेला चॉपर जप्त करण्यात आला आहे.