मराठी न्यूज चॅनल्स टीव्ही रेटिंग: कट्ट्याचा माझाला किंचित फायदा, मात्र, बुस्टर नाही! माझा, लोकमत सोडून इतर चौघांना वाट्यात काहीसा घाटा!

तुळशीदास भोईटे / मुक्तपीठ टीम

मराठी न्यूज चॅनल्सची १८ व्या आठवड्याची टीव्ही रेटिंग आकडेवारी समोर आली आहे. या आठवड्यातही चॅनल्सच्या स्थानांमध्ये फारसा फरक पडलेला नाही. टीव्ही9 मराठी पहिल्या क्रमांकावरच आहे. झी २४ तास दुसऱ्या, एबीपी माझा ३ ऱ्या, साम ४ थ्या, लोकमत ५ व्या आणि लोकशाही ६ व्या स्थानावरच आहेत. या आठवड्यात पुन्हा टीव्ही 9 मराठीचा मार्केट शेअर ०.१ टक्क्याने, झी २४ तासचा ०.३ने, सामचा ०.१ ने आणि लोकशाहीचा ०.२ने कमी झाला आहे. त्याचवेळी माझाचे रेटिंग ०.३ टक्के, लोकमत ०.३ने वाढले आहेत.

माझा कट्टाचा काहीसा फायदा, पण बुस्टर नाही!

एबीपी माझाला ‘माझा कट्टा’ विशेष कार्यक्रमांमुळे फायदा झाला आहे, पण तो काहीसाच आहे.
राज ठाकरेंसारख्या मोठ्या नेत्यांपासून अनेक मान्यवर कट्ट्यावर आले होते.
त्या कार्यक्रमांमुळे काहीसं रेटिंग वाढलं आहे. मात्र, ते चॅनलसाठी बुस्टर मात्र ठरु शकलेलं नाही.
गेल्या आठवड्याच्या विश्लेषणात मांडल्याप्रमाणे आता एखाद्या आठवड्यात बजावलेली चांगली किंवा वाईट कामगिरी ही त्या चॅनल्सच्या रेटिंगमध्ये त्याच आठवड्यात दिसून येत नाही.
चार आठवड्यांच्या सरासरीतून रेटिंग काढलं जात असल्याने नेमकी वर्तमान कामगिरी स्पष्ट होत नाही.

टीव्ही रेटिंगमधील महत्वाचे पॉईंट्स…

हा या वर्षातील रेटिंगचा १८ वा आठवडा आहे. पण न्यूज चॅनलचे स्थगित असलेले रेटिंग सुरु झाल्यानंतरचा हा १३वा आठवडा आहे.
मराठीतील सहा चॅनल्सच्या रेटिंगमध्ये टीव्ही 9 मराठीच पहिल्या स्थानी आहे. पण किंचित .१चा फरक आला आहे.
झी २४ तास हे चॅनल या आठवड्यात ०.३ने काहीसं मागे गेलं आहे. एबीपी माझा ०. ३ने पुढे गेले आहे.
साम या आठवड्यात .१ने मागे गेले आहे.
न्यूज 18 लोकमत याही आठवड्यात .३ ने वाढले आहे.
लोकशाही सहाव्या क्रमांकावर असून .२ने मागे गेले आहे.

कोणत्या न्यूज चॅनलला किती वाटा, किती घाटा?

मराठी न्यूज चॅनलच्या बाजारात २८.३ % मार्केट शेअरसह टीव्ही9 मराठी हे न्यूज चॅनल नंबर १ आहे. त्यांच्यात ०.१ ची घट आहे.
दुसऱ्या क्रमांकावर २६% मार्केट शेअरसह झी २४ तास आहे. गेल्या गुरुवारपेक्षा त्यांच्यात ०.३ ची घट आहे.
एबीपी माझा १९ % मार्केट शेअरसह तिसऱ्या क्रमांकावर आहे.त्यांच्यात ०.३ची वाढ आहे.
साम टीव्हीने .१ची घट झाली असून १२% मार्केट शेअरसह चौथ्या क्रमांकावर आहे.
पाचव्या क्रमांकावर ९.४ % मार्केट शेअरसह न्यूज १८ लोकमत आहे. त्यांच्यात ०.३ची वाढ आहे.
सहाव्या क्रमांकावरील लोकशाही .२ ने मागे गेले असून त्यांचे ५.३ % मार्केट शेअर आहे.

समजून घ्या टीव्ही रेटिंगबद्दलची माहिती…

मराठी न्यूज चॅनल्समधील झी २४ तास आणि न्यूज १८ लोकमत हे पे चॅनल्स आहेत.
एबीपी माझा, टीव्ही 9, साम, लोकशाही हे इतर चार चॅनल्स हे फ्री टू एअर आहेत.
झी २४ तास हे दूरदर्शनच्या फ्री डिशवर उपलब्ध असणारे एकमेव चॅनल आहे.
त्यामुळे अनेक टीव्ही चॅनल्सनी त्यांच्याविरोधात तक्रारी केल्या आहेत.
फ्री डिशवरील वितरणामुळे झी समुहातील झी २४ ताससह ९ प्रादेशिक वाहिन्यांना ३० टक्के जास्त रेटिंग असलेल्या मार्केटमघ्ये पोहचण्याची संधी मिळते.
प्रसारभारतीनेही बार्ककडे झीविरोधात तक्रार केली आहे.
पण अद्याप त्याप्रकरणी काहीही कारवाई झालेली नाही.
सध्या टीव्ही रेटिंग हे चार आठवड्यांच्या सरासरी रेटिंगचं येत आहे.
या गुरुवारी वर्षातील ११ व्या आठवड्याचे रेटिंग आले आहे.
ते रेटिंग ८, ९, १० आणि ११ अशा चार आठवड्यांच्या सरासरीचं आहे.
याचा अर्थ आता चॅनलना झटपट काही करून एका आठवड्याच्या कामगिरीवर मुसंडी मारणं सोपं असणार नाही.
चार आठवडे सातत्यपूर्ण कामगिरी करूनच पुढे झेपावता येईल.
या रेटिंगवरच मराठी न्यूज चॅनलचा मार्केट शेअर ठरत आहे.

(तुळशीदास भोईटे मुक्तपीठ या मुक्त माध्यमाचे संपादक आहेत. गेली ३० वर्षे प्रिंट, टीव्ही आणि आता डिजिटल माध्यम क्षेत्रात कार्यरत आहेत. सध्या सोशल मीडिया प्रशिक्षण, व्यवस्थापन, राजकीय सल्ला सेवा, लेखन अशा उपक्रमांमधून मुक्तपीठसाठी आर्थिक बळ मिळवण्यातही ते सहभागी असतात.)