कोरोना लसीकरणात भारत जगात तिसऱ्या क्रमांकावर!

मुक्तपीठ टीम

कोरोनाविरुद्धच्या लढाईत भारताने आणखी एक जागतिक शिखर सर केले आहे. कोरोनाच्या लस प्रशासित करण्यामध्ये जगात अव्वल असणाऱ्या देशांमध्ये भारत आता तिसऱ्या स्थानावर आहे. भारताच्या पुढे केवळ अमेरिका आणि ग्रेट ब्रिटनच आहेत.

भारतात 12 राज्यांमध्ये प्रत्येकी 2 लाखांपेक्षा अधिक लोकांना लसीकरण करण्यात आले आहे. एकट्या उत्तर प्रदेशात लसीकरण घेतलेल्या सगळ्या लोकांचा आकडा हा 6,73,542 इतका आहे.

देशभर सुरू असलेल्या कोरोना लसीकरण मोहिमेध्ये 7 फेब्रुवारी 2021 रोजी सकाळी 8 वाजेपर्यंत 57.75 लाख (57,75,322) लाभार्थ्यांना लस मिळाली आहे. एकूण लसीकरणाच्या संचयी आकड्यामध्ये 53,04,546 आरोग्य कर्मचारी आणि 4,70,776 अग्रभागी काम करणारे कर्मचारी यांचा समावेश आहे.

S. No.	State/UT	Beneficiaries vaccinated
1	A & N Islands	3,161
2	Andhra Pradesh	2,99,649
3	Arunachal Pradesh	12,346
4	Assam	87,269
5	Bihar	3,74,538
6	Chandigarh	5,645
7	Chhattisgarh	1,68,881
8	Dadra & Nagar Haveli	1,504
9	Daman & Diu	708
10	Delhi	1,09,589
11	Goa	8,257
12	Gujarat	4,38,573
13	Haryana	1,39,068
14	Himachal Pradesh	54,573
15	Jammu & Kashmir	49,419
16	Jharkhand	95,934
17	Karnataka	3,86,186
18	Kerala	2,91,852
19	Ladakh	1,987
20	Lakshadweep	839
21	Madhya Pradesh	3,42,016
22	Maharashtra	4,73,480
23	Manipur	8,256
24	Meghalaya	6,859
25	Mizoram	10,937
26	Nagaland	4,535
27	Odisha	2,75,055
28	Puducherry	3,532
29	Punjab	76,430
30	Rajasthan	4,59,652
31	Sikkim	5,372
32	Tamil Nadu	1,66,408
33	Telangana	2,09,104
34	Tripura	40,347
35	Uttar Pradesh	6,73,542
36	Uttarakhand	73,762
37	West Bengal	3,54,000
38	Miscellaneous	62,057
Total		57,75,322

गेल्या 24 तासात 3,58,473 लाभार्थ्यांना 8,875 केंद्रांमधून लस देण्यात आली. यापूर्वी लसीकरणाची 1,15,178 एवढी केंद्र झाली आहेत.

लसीकरणाच्या लाभार्थ्यांच्या संख्येमध्ये रोज सातत्याने वाढ होत आहे.

आणखी एका लक्षवेधी प्रगती म्हणजे, गेल्या 24 तासात भारतामध्ये दैनंदिन मृत्यूंची संख्या 80 पेक्षा कमी नोंदविली गेली आहे, जी गेल्या 9 महिन्यातील सर्वात कमी संख्या आहे.

देशातील सक्रीय रुग्ण संख्या 1.48 लाख (1,48,766) इतकी आहे. सध्याचा सक्रीय रुग्णांची संख्या ही देशातील एकूण बाधित संख्येच्या 1.37 टक्के इतकी आहे.

भारतातील बरे झालेल्या रुग्णांची एकूण संख्या 1.05 कोटी (1,05,22,601) इतकी आहे. रुग्ण बरे होण्याचा दर हा 97.19 टक्के आहे.

गेल्या 24 तासात 12,059 इतक्या नवीन रुग्णांची नोंद करण्यात आली आहे तर, गेल्या 24 तासांमध्ये 11,805 इतके रुग्ण बरे होऊन घरी सोडण्यात आले आहेत.

नव्याने बरे झालेल्या रुग्णांपैकी 81.07 टक्के रुग्ण हे सहा राज्ये / केंद्रशासित प्रदेशांमधील असल्याचे आढळले आहे.

केरळमध्ये एका दिवशी सर्वाधिक बरे झालेल्या रुग्णांची नोंद, 8,178 इतकी आहे. महाराष्ट्रामध्ये गेल्या 24 तासात 1,739 इतके रुग्ण बरे झाले आहेत. त्यानंतर तामिळनाडू मध्ये 503 इतकी संख्या आहे.

दैनंदिन नव्या रुग्णांची सर्वाधिक नोंद केरळमध्ये 5,942 इतकी करण्यात आली आहे. त्यानंतर महाराष्ट्रात 2,768 तर कर्नाटकमध्ये 531 इतकी रुग्णांची नोंद आहे.

गेल्या 24 तासाच 78 मृत्यूंची नोंद आहे.

एकूण दैनंदिन मृत्यू संख्येच्या 69.23 टक्के मृत्यू 5 राज्ये / केंद्रशासित प्रदेशांमधील आहेत. महाराष्ट्रात सर्वाधिक मृत्यू (25) नोंदविले गेले आहेत. तर केरळमध्ये दैनंदिन मृत्यूचा आकडा 16 आणि पंजाबमध्ये 5 मृत्यूंची नोंद आहे.

गेल्या 24 तासांमध्ये 17 राज्ये / केंद्रशासित प्रदेशांमध्ये एकाही मृत्यूची नोंद झालेली नाही. यामध्ये हरियाणा, गोवा, जम्मू आणि काश्मिर (केंद्रशासित प्रदेश), झारखंड, पुद्दूचेरी, मेघालय, नागालँड, लक्षद्वीप, आसाम, मणिपूर, सिक्कीम, अंदमान आणि निकोबार बेटे, लडाख (केंद्रशासित प्रदेश), मिझोरम, अरूणाचल प्रदेश, त्रिपुरा, आणि दीव आणि दमण आणि दादरा आणि नगर हवेली यांचा समावेश आहे.