मुक्तपीठ टीम
मराठा समाजाच्या हक्कांसाठी लढणारे शिवसंग्रामचे दिवंगत नेते विनायक मेटे यांचे रस्ते अपघातात निधन झाले. त्यांच्या मृत्यूने संपूर्ण मराठा समाजात शोककळा पसरली. मात्र मेटेंचा अपघात झाला की तो घडवून आणला असा संशय व्यक्त केला जात आहे. मेटे यांच्या पत्नी ज्योती मेटे यांनी देखील अपघाताच्या त्या दोन तासात काय झालं? याची चौकशी करण्याची मागणी केली. दरम्यान सोशल मीडियावर व्हायरल एका ऑडिओ क्लिपमध्ये याआधीही मेटे यांच्या गाडीला अपघात करण्याचा प्रयत्न केला गेल्याचा दावा केला आहे. या ऑडिओ क्लिपमध्ये एक आवाज विनायक मेटेंचा आणि दुसरा आवज त्यांचे निकटवर्तीय अण्णासाहेब मायकर यांचा असल्याचा बोलले जात आहे. याप्रकरणानंतर ज्योती मेटे यांनी स्वतः मायकर यांच्याशी संवाद साधला आहे.
व्हायरल फोन क्लिपमुळे मेटेंच्या बायकोचा संशय बळावला!!
- व्हायरल होत असलेली क्लिप मी आत्ताच ऐकलेली आहे.
- अण्णासाहेब मायकर यांच्याशी माझं देखील बोलणं झालं आहे.
- त्यांचं म्हणणं होतं की, समोरच्या गाडीवर आपली गाडी नेऊन आदळावी, अशा पद्धतीनं ती गाडी ओव्हरटेक करत होती.
- ही बाब निश्चितच आक्षेपार्ह्य होती.
- त्यामुळे या एकूण प्रकाराची चौकशी झाली पाहिजे.
- तीन ऑगस्टला असाच प्रकार घडल्याचं देखील अण्णासाहेब यांनी सांगितलं आहे.
- त्यामुळे या संपूर्ण प्रकाराची सखोल चौकशी झाली पाहिजे.
निपक्षपातीपणे ही चौकशी झाली पाहिजे, शिवसंग्राम कुटुंबियांची मागणी
- मला देखील यामध्ये संशय वाटतो आहे.
- अपघातातील गाडी आणि तीन तारखेची गाडी यांची देखील चौकशी झाली पाहिजे आणि संपूर्ण प्रकाराची चौकशी करून न्याय मिळाला पाहिजे.
- या संपूर्ण प्रकरणाचा तपास कोण करतंय? किंवा तपास कसा सुरु आहे, याबाबत मला काहीच सांगता येणार नाही.
- मला याबाबत काहीच माहिती नाही.
- सर्व तपास यंत्रणांकडे माझी आणि शिवसंग्राम कुटुंबियांची हीच मागणी असेल की, निपक्षपातीपणे ही चौकशी झाली पाहिजे आणि जे काही सत्य असेल, ते तातडीनं सर्वांसमोर आलं पाहिजे.
Subscribe
