मुक्तपीठ टीम
बॉलिवूडमधील अनेक चित्रपट आणि टीव्ही कार्यक्रमांमध्ये दिसणाऱ्या सविता बजाज सध्या कोरोना काळात आर्थिक संकटात सापडल्या आहेत. काही काळापूर्वी त्या कोरोना पॉझिटिव्ह झाल्या होत्या. कोरोनाच्या उपचारात त्यांची सारी बचत संपली आहे. २२ दिवस अॅडमिट झाल्यानंतर अभिनेत्रीला डिस्चार्ज मिळाला होता, परंतु श्वास घेण्यास अडचण आल्यामुळे त्यांना पुन्हा अॅडमिट करावे लागले. उपचारासाठी पैसे नसल्यामुळे सविता यांनी मदतीसाठी आवाहन केले आहे. त्यानंतर त्यांना अभिनेत्री सुप्रिया पिळगावकरची मदत मिळाली आहे.
काही काळापूर्वी सुप्रियाचे पती सचिन हे सविता यांच्या आर्थिक संकटाविषयी बोलले होते. दुसर्याच दिवशी सुप्रियाने मदतीचा हात पुढे केला. एका मुलाखती दरम्यान सचिनने तरुणांना सल्ला दिला होता की, लोकांनी कमवतानाच बचत करावी जेणे करून आर्थिक परिस्थिती बिघडू नये.
आर्टिस्ट असोसिएशनचीही मदत
• सविता बजाज यांना सीआयएनटीएए (सिने अॅन्ड टेलिव्हिजन आर्टिस्ट असोसिएशन) कडून आर्थिक मदतही मिळाली आहे.
• अभिनेत्रीच्या हॉस्पिटल बिलाची काही रक्कम असोसिएशनकडून दिली जात आहे.
• याआधीही अभिनेत्रीला असोसिएशनकडून मदत म्हणून १ लाख रुपये दिले गेले.
• सन २०१६ मध्ये हॉस्पिटलमध्ये दाखल होण्यासाठी सीएनटीए सिने अँड टीव्ही आर्टिस्ट असोसिएशनकडून ५० हजार रुपये मिळाले आहेत.
सविता बजाजांनी मांडला संकट काळ
• सविता बजाज यांनी आपल्यावरील संकट उघड केलं होतं.
• मला श्वास घेण्यात त्रास होत होता आणि मी ते कसे हाताळेन हे मला माहित नाही.
• मला काम मिळताच पैसे परत करण्याचा विचार आहे, परंतु तब्येत बिघडल्यामुळे, मी याक्षणी कामाच्या स्थितीत नाही.
• दुर्दैवाने माझी काळजी घेणारे कोणीही नाही.
• २५ वर्षांपूर्वी मी माझ्या गावी दिल्लीला जाण्याचा निर्णय घेतला होता पण माझ्या कुटुंबातील कोणालाही मला ठेवायचे नव्हते.
• मी बरेच पैसे कमविले आणि बर्याच गरजू लोकांना मदत केली पण आता मलाच मदतीची गरज आहे.
Subscribe
