मुक्तपीठ टीम
मध्य प्रदेशात असलेल्या महाकाल आणि ओंकारेश्वरला या दोन ज्योतिर्लिंग स्थानांना भेट देणाऱ्यांसाठी चांगली बातमी आहे. आयआरसीटीसीने त्यासाठी एक उत्तम टूर पॅकेज पुन्हा सुरु केले आहे. मालवा ज्योतिर्लिंग दर्शन या टूर पॅकेजमध्ये इंदूर, महेश्वर, उज्जैन आणि ओंकारेश्वरला भेट देण्याची संधी मिळेल. पॅकेजमध्ये प्रवाशांना डिलक्स हॉटेलसह अनेक सुविधा पुरवल्या जातील.
अशी होणार ज्योतिर्लिंग दर्शन यात्रा…
- रेल्वेनं रात्री १० वाजता प्रवास सुरू होईल.
- रेल्वेद्वारे प्रवास केल्यानंतर प्रवासी दुसऱ्या दिवशी सकाळी उज्जैनला पोहचतील.
- महाकाल, काळ भैरव आणि शक्ती मंदिरांना भेट दिल्यानंतर प्रवासी रात्री विश्रांती घेतील.
- यानंतर, पुढचा संपूर्ण दिवस, प्रवाशांना ओंकारेश्वराचे दर्शन देऊन महेश्वरचे दर्शन केले जाईल आणि त्यानंतर प्रवासी संध्याकाळी उज्जैनला परत येतील.
- रात्रीच्या विश्रांतीनंतर दुसऱ्या दिवशी प्रवाशांना इंदूरमधील राजवाडा आणि लाल बाग पॅलेसला भेट देण्याची संधी मिळेल.
- यानंतर, त्याच संध्याकाळी प्रवासी रेल्वेने दिल्लीला परत येतील.
प्रवाशांना कोण-कोणत्या सुविधा मिळणार
- या पॅकेजमध्ये प्रवाशांसाठी अनेक सुविधांची व्यवस्था करण्यात आली आहे.
- प्रवाशांना ट्रेनमध्ये प्रवास करण्यासाठी थर्ड एसी कोचची व्यवस्था करण्यात आली आहे.
- याशिवाय, प्रवाशांना २ रात्रीच्या विश्रांतीसाठी एसी डिलक्स हॉटेल दिले जाईल.
- २ कार्यक्रमांसाठी नाश्ता आणि रात्रीचे जेवण प्रवासासाठी दिलेल्या मेनूवर आधारित दिले जाईल.
- यासोबतच प्रवाशांच्या दर्शनासाठी एसी बसची व्यवस्था केली जाईल आणि त्यांना स्थानकावर आणि स्थानकातून आणले जाईल. याशिवाय प्रवाशांना प्रवास विमा देखील दिला जाईल.
Subscribe
