रेल्वेच्या कोणत्याही कामासाठी एकच हेल्पलाइन क्रमांक १३९

मुक्तपीठ टीम

भारतीय रेल्वे ही सर्वसामान्यांची लाइफलाइन आहे. रेल्वेने प्रत्येक कामांसाठी वेगवेगळ्या हेल्पलाईन नंबरची व्यवस्था काढली असून एकच हेल्पलाइन नंबर देण्याचा निर्णय घेतला आहे. येत्या १ एप्रिलपासून रेल्वे सर्व हेल्पलाइन नंबर थांबवेल आणि आता सर्व कामांसाठी १३९ या एकाच हेल्पलाईन नंबरचा सर्वत्र उपयोग केला जाईल. रेल्वे मंत्रालयाने सोशल नेटवर्किंग अभियान # वनरेलवनहेल्पलाइन १३९ हे रेल्वेच्या नावावर एक हेल्पलाइन देखील चालवले आहे.

१ एप्रिलपासून भारतीय रेल्वेचे सर्व हेल्पलाइन नंबर बंद केले जाणार आहेत. तर त्यांच्या जागी १३९ या सिंगल हेल्पलाई नंबरने सर्व कामे केली जाणार आहेत. याचा अर्थ असा आहे की भारतीय रेल्वेच्या प्रवासादरम्यान कोणत्याही प्रकारच्या मदतीसाठी, चौकशीसाठी आणि तक्रारीसाठी भिन्न संख्या वापरण्याची आवश्यकता नाही. रेल्वेचे सर्व हेल्पलाइन क्रमांक एकत्र केले आहेत.

रेल से संबंधित किसी भी सवाल या शिकायत के लिए डायल कीजिए रेल मदद हेल्प लाइन नंबर 139
और सभी समस्याओं का समाधान पाएं।#OneRailOneHelpline139 pic.twitter.com/StrUvnQDeC

— Ministry of Railways (@RailMinIndia) March 15, 2021

मागील वर्षी, भारतीय रेल्वेने १३९ आणि १८२ हे हेल्पलाईन नंबर सुरू ठेवून बाकी सर्व नंबर बंद केले होते. आता १८२ नंबर देखील बंद केला आहे आणि त्याचा समावेश १३९ मध्ये होऊन हा एकच नंबर सुरू राहिल. यामुळे प्रवाशांना हेल्पलाइन नंबर लक्षात ठेवण्यास मदत होईल. हेल्पलाईन नंबर १३९ एकूण १२ भाषांमध्ये उपलब्ध असेल. प्रवासी याद्वारे मदत, तक्रार किंवा चौकशीचा पर्याय आयव्हीआरएसवर घेऊ शकतात. दररोज या नंबरवर सरासरी साडेतीन लाख फोन किंवा मेसेजेस येतात.

कोणतीही गैरसोय झाल्यास, प्रवासी इंटरएक्टिव व्हॉईस रिस्पॉन्स सिस्टम (आयव्हीआरएस) निवडू शकतो किंवा ‘स्टार’ (*) दाबून रेल्वे कॉल सेंटरच्या कर्मचार्‍यांशी संपर्क साधू शकेल. प्रवाशाला कोणत्याही स्मार्टफोनची गरज भासणार नाही. सामान्य फोनवरूनही प्रवासी १३९ वर कॉल करु शकतात आणि त्यांच्या समस्या सांगू शकतात आणि ट्रेनशी संबंधित प्रत्येक माहिती मिळवू शकतात.