मुक्तपीठ टीम
साकीनाका प्रकरणातील पीडित महिलेचा मृत्यू झाला आहे. या प्रकरणी भाजपाने आघाडी सरकारवर जोरदार हल्ला चढवलाय. त्यामुळे शिवसेना नेते संजय राऊत यांनी भाजपा नेत्यांबद्दल संताप व्यक्त केला आहे. साकीनाक्यातील दुर्देवी घटनेचं राजकारण करणं विरोधकांनी थांबवलं पाहिजे. असं राजकारण करणं म्हणजे मृताच्या टाळूवरचं लोणी खाण्यासारखं आहे, अशा शब्दात संजय राऊतांनी संताप व्यक्त केला आहे.
चिखलफेक करण्याचं राजकारण करू नका
- ही अत्यंत दुर्देवी आणि धक्कादायक घटना.
- मुंबई महिलांसाठी कायम सुरक्षित असल्याची भावना कायम आहे.
- जगभरातील सुरक्षित शहरात मुंबईचं नाव वरच्या स्थानी आहे.
- मुंबई हे महिलांसाठी अत्यंत सुरक्षित शहर आहे. ही घटना घडली. त्यावरून गदारोळ सुरू आहे. महिलेचा दुर्देवी मृत्यू झाला. पोलिसांनी आरोपींना अटक केली आहे.
- हा कायदा सुव्यवस्थेचा नक्कीच प्रश्न आहे. महिला सुरक्षेचा प्रश्न आहे.
- त्यावरून राजकारण करू नका आणि गोंधळ उडवून सरकारवर चिखलफेक करण्याचं राजकारण करू नये.
- कारण अशाप्रकारच्या घटना राज्याला मान खाली घालायला लावतात.
जलदगती न्यायालयात खटला चालवा
- पोलिसांना या पीडित महिलेची जबानी नोंदवता आली असती तर अनेक गोष्टी बाहेर आल्या असत्या. अधिक माहिती मिळाली असती.
- तरीही पोलिसांनी सीसीटीव्ही फुटेज आणि त्यांच्या लिंकच्या माध्यमातून मुख्य आरोपीला अटक केली आहे.
- मी सकाळपासून पाहात आहे. विरोधी पक्षाचे नेते आणि नेत्या सरकारवर आरोप करत आहेत.
- काही भूमिका मांडत आहेत. त्यांनी भूमिका मांडली पाहिजे. कारण राज्याचे मुख्यमंत्री आणि गृहमंत्री असतील या सर्वांनी या घटनेचा धिक्कार आणि निषेध नोंदवला आहे.
- आरोपींना तात्काळ कठोर शिक्षा मिळाली पाहिजे. मग ती फाशीही असेल.
- ती होण्यासाठी सुद्धा जलदगती न्यायालयात खटला चालवला पाहिजे.
- मुख्यमंत्री ही मागणी मान्य करतील!
सरकारने कठोर पावलं उचलली पाहिजेत!
- या घटनेची तुलना निर्भया प्रकरणाशी केली जात आहे.
- तुलना करायला हरकत नाही. कारण यात एका महिलेने जीव गमावला आहे.
- तिच्या जीवनाची विटंबना झाली आहे.
- महाराष्ट्रातल्या मातीत त्या काळात छत्रपती महाराजांनी महिलांना संरक्षण दिलं.
- तेव्हापासून आजपर्यंत आम्ही तोच मार्ग स्वीकारला आहे.
- अशा दुर्देवी घटना घडू नये म्हणून सरकारने अधिक कठोर पावलं उचलली पाहिजे.
- सरकार ते उचलल्या शिवाय राहणार नाही!
Subscribe
