मुक्तपीठ टीम
कोरोनाच्या काळात आरोग्य यंत्रणा सक्षम करण्यासाठी महाराष्ट्र राज्याचे मुख्यमंत्री उद्धव ठाकरे आणि उपमुख्यमंत्री अजित पवार यांनी आमदारांसाठी विशेष १ कोटींचा निधी मंजूर केला आहे. याबाबत महाराष्ट्र विधानपरिषद उपसभापती डॉ.गोऱ्हे यांनी त्यांचे जाहीर आभार मानले आहेत.
तसेच सदरील १ कोटीतून ६५ लाख निधी डॉ.गोऱ्हे यांनी पुण्यासाठी जाहीर केला आहे.
◆ पुणे शहर
ससून रुग्णालय, पुणे येथे एनआयसीयु आणि एमआयसीयू व्हेंटिलेटर साठी २५ लाख रुपये दिले आहेत.
पुणे महापालिका अंतर्गत रुग्णालयासाठी ऑक्सिजन सिलेंडर, ऑक्सिजन रेग्युलेटर, बायपँप मशीन, १० लाख रुपये, एनआयसीयु व्हेंटिलेटर १५ लाख रुपये असा एकूण २५ लाख रुपये निधी उपलब्ध करू दिला आहे.
◆ पुणे ग्रामीण
पुणे जिल्हापरिषद सदस्य शैला राजू खंडागळे यांच्या विनंतीनुसार देहू, जि. पुणे प्राथमिक आरोग्य केंद्रकरिता रुग्णवाहिकेसाठी १५ लाख रुपये निधी डॉ गोऱ्हे यांनी त्यांच्या स्थानिक आमदार निधीतून मंजूर केला आहे. याबाबत पुणे शहर आणि ग्रामीण पदाधिकारी यांनी डॉ.गोऱ्हे यांचे आभार मानले आहेत. त्याचबरोबर पुढील काळात देखील शासकीय रुग्णालयांना अधिकाधिक मदत करण्यासाठी राज्य सरकारच्या माध्यमातून आम्ही कटिबद्ध आहेत असे डॉ.गोऱ्हे यांनी यावेळी सांगितले.
Subscribe
