मुक्तपीठ टीम
गोव्याच्या बीचवर पर्यटकाच्या वेशभूषेत ‘मी पुन्हा येईन’ असा महाराष्ट्राला दिलेला गर्भित इशाऱ्याचा फलक घेऊन उभे असलेले देवेंद्र फडणवीस गोव्यात ‘फक्त पर्यटन’ करुन परतणार अशा आशयाचे व्यंगचित्र काढून राष्ट्रवादी काँग्रेसचे प्रदेश प्रवक्ते क्लाईड क्रास्टो यांनी फडणवीसांची ‘सुप्त इच्छा’ समोर आणली आहे.
भाजपने गोवा निवडणुकीची जबाबदारी महाराष्ट्राचे विरोधी पक्षनेते देवेंद्र फडणवीस यांच्यावर सोपवली आहे. मात्र गोव्यापेक्षा महाराष्ट्रात सत्ता आली तर पुन्हा मुख्यमंत्री होण्याची फडणवीस यांची सुप्त इच्छा आहे त्यामुळे गोव्यात भाजपची सत्ता फडणवीस आणतील का याबाबत क्लाईड क्रास्टो यांनी आपल्या व्यंगचित्राच्या कुंचल्यातून प्रश्नचिन्ह उभे केले आहे.
क्लाईड क्रास्टो हे आपल्या कुंचल्यातून नेहमीच वेगवेगळ्या विषयांवर आणि भाजपवर फटकारे मारत असतात. आताही देवेंद्र फडणवीस यांची गोवा प्रभारी निवड झाल्यावर क्लाईड क्रास्टो यांनी गोवा बीचवर ‘आव गोयंचो सायबा’ म्हणत फडणवीस यांची रंगबिरंगी कपड्यातील पर्यटक अशी खिल्ली उडवली आहे. तिथेही जाऊन आपली ‘मी पुन्हा येईन’ ही सुप्त इच्छा प्रकट करत असल्याचा टोला व्यंगचित्राच्या कुंचल्यातून क्लाईड क्रास्टो यांनी लगावला आहे.
Subscribe
