मुक्तपीठ टीम
तटरक्षक दलाच्या पथकात आता एम के थ्री हेलिकॉप्टर्स सामील करण्यात आली आहेत.. त्यामुळे समुद्रातील रक्षकाची जबाबदारी सांभाळणाऱ्या तटरक्षक दल म्हणजेच कोस्ट गार्डच्या हवाई सामर्थ्यात वाढ झालीय. या स्वदेशी अत्याधुनिक हेलिकॉप्टर्सची रचना आणि निर्मिती हिंदुस्तान एयरोनॉटिक्स लिमिटेड (एचएएल), बंगळुरू यांनी केली आहे.
सध्याच्या कठीण काळात तटरक्षक दलाने ‘मेक इन इंडिया’चे पंतप्रधानांचे स्वप्न पुढे नेले आहे. या हेलिकॉप्टर्सचा ताफ्यात समावेश केल्याबद्दल भारतीय तटरक्षक दल आणि हिंदुस्तान एॅरोनॉटिक्स लिमिटेडच्या चिकाटीचे डॉ. अजय कुमार यांनी कौतुक केले. तटरक्षक दलाच्या व्यापक मोहिमांदरम्यान या प्रगत हेलिकॉप्टर्सच्या वापराचे महत्त्वही त्यांनी स्पष्ट केले. बंगळुरू इथे कोविड प्रोटोकॉल लक्षात ठेवून आणि सरकारच्या ‘डिजिटल इंडिया’ संकल्पनेला प्रोत्साहन देत हा कार्यक्रम पार पडला ज्यात दिल्लीहून डिजिटल पद्धतीने मान्यवर सहभागी झाले होते.
तटरक्षक दलाच्या गडांनुसार हेलिकॉप्टरमध्ये बदल
- तटरक्षक दलाच्या गरजा पूर्ण करण्यासाठी एचएएलने 19 अतिरिक्त उपकरणांच्या मदतीने ALH Mk-III सागरी वापरासाठीच्या मॉडेलची रचना विकसित केली आहे.
- एचएएल पुढील वर्षाच्या मध्यापर्यंत तटरक्षक दलाला 16 ALH Mk-II पुरवणार आहे.
- ही हेलिकॉप्टर्स जहाजांवरून परिचालन करण्यास सक्षम आहेत.
- सागरी-हवाई समन्वयासह शोध, प्रतिबंध क्षमता, तटीय सुरक्षा, शोध आणि बचाव कार्ये, वैद्यकीय स्थलांतरण, मानवतावादी मोहिमा, प्रदूषण निवारण अभियानाच्या दिशेने तटरक्षक दलाची क्षमता वाढेल.
तौते आणि यास चक्रीवादळांदरम्यान अनेकांचे प्राण वाचवल्याबद्दल तसेच अलिकडेच अंमली पदार्थ आणि शस्त्रास्त्रे जप्त केल्याबद्दल आयसीजीचे कौतुक करत संरक्षण सचिव म्हणाले की, आयसीजीकडे सरकारने दिलेल्या कठीण जबाबदाऱ्या विचारात घेऊन कालबद्ध रीतीने सेवा क्षमता वाढवणे आवश्यक आहे.
ताफ्यात समावेश झाल्यानंतर 16 एएलएच एमके -III हेलिकॉप्टर्स भुवनेश्वर, पोरबंदर, कोची आणि चेन्नई येथे चार तटरक्षक दलाच्या ताफ्यात नियुक्त केले जातील.
किनारपट्टी लगतच्या राज्यांसह सामायिक सागरी सीमावर अनेकदा बेकायदेशीर व्यवहार चालतात तसेच या भागात वारंवार चक्रीवादळ होण्याची शक्यता असते. तटरक्षक दलाचा हा काफिला त्यावर अखंड देखरेख ठेवेल आणि समुद्रात संकटात सापडलेल्या मच्छिमारांना मदत पुरवेल .
तटरक्षक दलाचे महासंचालक के. नटराजन यांनी तटरक्षक दलाच्या अलिकडच्या प्रयत्नांची प्रशंसा करताना सांगितले की भारतीय तटरक्षक दल आपल्या जबाबदाऱ्या पार पाडण्यासाठी सज्ज आहे आणि ALH Mk-III च्या समावेशामुळे जहाजावरुन मोहिमा बजावता येतील आणि देखरेख ठेवणे शक्य होईल. ही हेलिकॉप्टर्स सेवा क्षमता बळकट करण्यासाठी जहाज आणि विमानासमवेत समन्वयासह तैनात केली जातील असे त्यांनी स्पष्ट केले.
एचएएलचे अध्यक्ष व व्यवस्थापकीय संचालक आर. माधवन आणि संरक्षण मंत्रालयाचे अन्य वरिष्ठ अधिकारी या कार्यक्रमाला उपस्थित होते.
Subscribe
