मुक्तपीठ टीम
राज्य प्राधिकरण समितीने १६ वर्षांच्या अल्पवयीन मुलीला तिच्या आजारी वडिलांना यकृत दान करण्यास परवानगी नाकारली आहे. मुलीने स्वतःच्या इच्छेने यकृत द्यायचे आहे की नाही किंवा तिच्यावर काही दबाव आहे का, याची त्यांना खात्री नाही, असे समितीने म्हटले आहे. आता मुलीच्या आईने परवानगीसाठी मुंबई उच्च न्यायालयात याचिका दाखल केली आहे.
मुलीवर भावनिक दडपण असण्याची शक्यता नाकारता येत नाही आणि तिने तिच्या संमतीने वडिलांना यकृत देण्याचा निर्णय घेतला आहे याची पुष्टी करता येत नाही, असे निरीक्षण समितीने नोंदवले. मुलीने बुधवारी तिच्या आईच्या माध्यमातून मुंबई उच्च न्यायालयात याचिका दाखल केली आहे. न्यायमूर्ती एके मेनन आणि न्यायमूर्ती एनआर बोरकर यांच्या खंडपीठासमोर १३ मे रोजी सुनावणी होणार आहे.
याचिकेत दुरुस्ती करण्याची विनंती!
- ‘याचिकादार मुलीच्या वडिलांच्या यकृतावर मद्यप्राशनाच्या व्यसनामुळे परिणाम झाला आहे.
- ती बाब उघड करण्यात आली नाही.
- वडिलांना यकृताचा भाग दान करण्यास इच्छुक मुलगी व तिची आई अवयव प्रत्यारोपणाच्या शस्त्रक्रियेतील गुंतागुंत व त्यातील जोखीम याबाबत अनभिज्ञ असल्याचे दिसते.
- अवयवदानास इच्छुक असलेली मुलगी एकुलती एक आहे.
- याचिकादारांतर्फे अॅड. तपन थत्ते यांनी समितीच्या अहवालाची माहिती बुधवारी सुटीकालीन न्यायालयाचे न्या. ए. के. मेनन व न्या. नितीन बोरकर यांच्या खंडपीठाला दिली.
- तसेच या अहवालाला आव्हान देता यावे यासाठी याचिकेत दुरुस्ती करण्याची विनंतीही त्यांनी केली.
मुलीचे यकृत हे वैद्यकीयदृष्ट्या रुग्णाच्या यकृताशी जुळतेय!
- ‘अवयव प्रत्यारोपण कायद्यातील तरतुदीप्रमाणे या प्रक्रियेसाठी सक्षम प्राधिकरणाची मंजुरी आवश्यक आहे.
- या प्रकरणात रुग्णाच्या जवळच्या सर्व नातेवाईकांच्या बाबतीत तपासणी झाली.
- मात्र, केवळ मुलीचे यकृत हे वैद्यकीयदृष्ट्या रुग्णाच्या यकृताशी जुळत आहे.
- म्हणून याचिकादार मुलीतर्फे आईने संबंधित प्राधिकृत समितीकडे २५ एप्रिल रोजी अर्ज करूनही त्यावर निर्णय देण्यात आला नाही’, असे थत्ते यांनी पूर्वीच्या सुनावणीत निदर्शनास आणल्यानंतर उच्च न्यायालयाने समितीला निर्णय देण्याचे निर्देश दिले होते.
Subscribe
