किशोरी शहाणेंच्या कारला ट्रकची धडक!

मुक्तपीठ टीम

सुप्रसिद्ध मराठी क्षेत्रातील अभिनेत्री किशोरी शहाणे हिचा मुंबईत कार अपघात झाला आहे. मिळालेल्या माहितीनुसार आणि व्हायर झालेल्या फोटोनुसार, चित्रात कारच्या एक भागाचे खूप नुकसान झाले आहे. अपघाताचे काही फोटो तिने तिच्या सोशल मीडियावर शेअर केले आहेत. त्या पोस्टमध्ये किशोरीने सांगितले की, “या अपघातात तिच्या कारचे मोठे नुकसान झाले आहे, मात्र कुटुंबीयांचे प्राण वाचले आहेत.” हा अपघात लोणावळ्याकडे जाताना झाला आहे.

सुट्टीसाठी मुंबईबाहेर जात असताना झाला अपघात

कार-ट्रक अपघाताचा फोटो शेअर करत लिहिले की, कारचे नुकसान झाले पण जीव वाचला. देवाची कृपा.
किशोरी शहाणे या कुटुंबासह सुट्टीसाठी मुंबईहून लोणावळ्याला जात असताना हा अपघात झाला.
सोशल मीडियावर चाहते, प्रार्थना करत आहेत की त्यांना कोणत्याही प्रकारची हानी होऊ नये.
त्याचबरोबर त्या सध्या ‘गुम है किसी के प्यार में’ या मालिकेत काम करत आहेत. शिवानीची भूमिका साकारणाऱ्या यामिनी मल्होत्राने त्यांच्या तब्येतीसाठी चिंता व्यक्त केली आहे. तिने त्यांच्या प्रकृतीची विचारपूस केली.

‘गुम है किसी के प्यार में’ या मालिकेत भवानी चव्हाणची भूमिका किशोरी शहाणे सध्या करत आहेत. त्यात त्या विराट या व्यक्तीच्या मावशीची म्हणजेच भवानी चव्हाणची भूमिका त्या साकारत आहेत. किशोरी एक उत्कृष्ट अभिनेत्री, निर्माती आणि नृत्यांगना आहे.

सर्वच महामार्गांवर ट्रकची दहशत!

सर्वच महामार्गांवर होणाऱ्या अपघातांमध्ये ट्रक, डम्पर, टँकर यांचे प्रमाण जास्त असते.
ही अतिअवजड वाहने खूप वेगाने चालवली जातात.
त्यांच्यासाठी असलेली लेन सोडून ही वाहने वाट्टेल तशी भरधाव वेगाने चालवताना कारसारख्या इतर वाहनांना अपघात घडवतात.
वाहतूक पोलीस क्वचितच अशा बेपर्वा वाहनचालकांवर कारवाई करताना दिसतात.