काश्मिरच्या स्वर्गात श्रीनगर, पहलगाम, गुलमर्ग आणि दाल सरोवरापेक्षाही सुंदर काही ठिकाणं

भारतात फिरण्यासाठी अनेक सुंदर ठिकाणे आहेत. येथील नैसर्गिक सौंदर्य विदेशी पर्यटकांनाही आकर्षित करते. दरवर्षी लाखो पर्यटक भारतातील सुंदर ठिकाणे, तेथील ऐतिहासिकता, निसर्गाने दिलेली पर्यटन स्थळे आणि बागांसारख्या मानवनिर्मित स्थळांना भेट देण्यासाठी येतात. काश्मीरला पृथ्वीवरील स्वर्ग म्हणतात. काश्मीरमधील बर्फाच्छादित मैदाने, हिरवळ, तलाव आणि पाहुणचार पर्यटकांना आकर्षित करतात. काश्मीरचे नाव येताच लोकांच्या मनात श्रीनगर, पहलगाम, गुलमर्ग आणि दाल सरोवराचे नाव आणि प्रतिमा उमटू लागते पण, काश्मीरमध्ये इतरही अनेक सुंदर ठिकाणे आहेत, ज्यांच्याबद्दल लोकांना फारशी माहिती नसेल. यावेळी जर काश्मीरला गेलात तर तिथल्या युसमर्ग, लोलाब व्हॅली, अरु व्हॅली आणि गुरेज आणखी काही सुंदर ठिकाणांना नक्कीच भेट द्या.

१. युसमर्ग

• काश्मीरमध्ये एक अतिशय सुंदर ठिकाण आहे, जिथे तुम्हाला विलक्षण वातावरणाचा अनुभव येईल.
• युसमर्ग नावाचे हे ठिकाण श्रीनगरपासून ४५ किमी अंतरावर असलेल्या बडगाम भागात येते.
• युसमर्ग अतिशय हिरवागार आहे. येथील घनदाट जंगले भुरळ घालतील.
• युसमर्गमध्ये सफरचंद, पेरू, पुदिना यांचीही लागवड केली जाते. युसमार्गाचे दृश्य युरोपचा आनंद देते.

२. गुरेज

• काश्मीरची गुरेझ व्हॅली खूप प्रसिद्ध आहे. श्रीनगरपासून १३० किमी अंतरावर असलेल्या गुरेझमध्ये अनेक सुंदर तलाव आहेत.
• येथे मनसबल आणि वुलर तलावाची दृश्ये पाहायला मिळतील. गुरेझमध्ये किशनगंगा नदीसह इतर अनेक नद्या वाहतात.

 

३. अरु व्हॅली गुरेज

• काश्मीरमध्ये अरु व्हॅली नावाचे हिल स्टेशन पहलगामपासून १२ किमी अंतरावर आहे.
• या छोटय़ाशा हिल स्टेशनचे सौंदर्य परदेशी पर्यटनस्थळापेक्षा कमी नाही. येथे धबधबे, उंच शिखरे आणि जवळील लिद्दरवट व्हॅलीला भेट देऊ शकता.
• जवळील कोल्हाई ग्लेशियर आणि तरसर मानसर तलाव आणि बैसरन व्हॅलीच्या सौंदर्याचा आनंद घेऊ शकता.

४. लोलाब व्हॅली,  अरु व्हॅली गुरेज

निसर्गसौंदर्य आणि शांत ठिकाणी निवांत क्षण घालवायचे असतील तर लोलाब व्हॅलीला भेट द्या. येथे सफरचंदाच्या बागा सापडतील. नागमर्ग लोलाब व्हॅली बांदीपोरा जिल्ह्यापासून वेगळे करतो.