मुक्तपीठ टीम
गेल्या काही वर्षांत ईव्हीने बाजारपेठेतील उपलब्धतेच्या दृष्टीने चांगली वाढ केली आहे. बहुतेक ईव्ही लिथियन आयन बॅटरी वापरतात कारण त्यांची ताकद आणि वजन गुणोत्तर जास्त असते. भारतीय मानक ब्युरो सर्व प्रवासी आणि सामानाच्या वाहनांच्या बॅटरीशी संबंधित आणखी दोन मानके जारी करण्याच्या प्रक्रियेत आहे.
ई-वाहनांना आग लागण्याच्या घटना पाहता, भारतीय मानक ब्युरो म्हणजेच बीआयएसने इलेक्ट्रिक वाहनांच्या बॅटरी सुरक्षिततेसंबंधित आवश्यक मानके जारी केली आहेत. या मानकांचा मुख्य उद्देश ग्राहकांची सुरक्षितता सुनिश्चित करणे हा आहे.
ग्राहक मंत्रालयाच्या एका वरिष्ठ अधिकाऱ्याने दिलेल्या माहितीनुसार, लिथियम-आयन ट्रॅक्शन बॅटरी पॅक आणि ई-वाहनांसाठी सिस्टमसाठी मानक आयएस १७८५५-२०२२ तयार करण्यात आले आहे.
हे आयएसओ १२४०५-४-२०१८ सह स्थापित केले आहे. अधिकाऱ्याने सांगितले की, नवीन ईव्ही बॅटरी मानकामध्ये बॅटरी पॅक आणि हाय स्पीड किंवा ऊर्जा, कार्यक्षमता, विश्वसनीयता आणि विद्युत कार्यप्रदर्शन या मूलभूत वैशिष्ट्यांसाठी प्रणालींच्या चाचणी प्रक्रियेचा समावेश आहे.
इलेक्ट्रिक वाहनांना आग लागल्यास समिती या महिन्यात अहवाल देईल
- इलेक्ट्रिक दुचाकींना लागलेल्या आगीच्या प्रकरणांची चौकशी करण्यासाठी आणि प्रतिबंधात्मक उपाय सुचवण्यासाठी स्थापन करण्यात आलेली तज्ज्ञ समिती या महिन्यात आपला अहवाल सादर करण्याची शक्यता आहे.
- समितीचा अहवाल आल्यानंतर सर्व सदोष वाहने परत मागवण्याचे आदेश दिले जातील, असे रस्ते वाहतूक मंत्रालयाच्या वरिष्ठ अधिकाऱ्याने सांगितले.
- अलीकडे इलेक्ट्रिक वाहनांना आग लागण्याच्या अनेक घटना घडल्या आहेत.
इलेक्ट्रिक वाहनांकडे पाहता मानकांचे नियोजन
- नवीन इलेक्ट्रिक वाहनबॅटरी मानकामध्ये बॅटरी पॅकसाठी चाचणी प्रक्रिया आणि हाय स्पीड किंवा उच्च उर्जेची कार्यक्षमता, विश्वसनीयता आणि विद्युत कार्यक्षमतेची मूलभूत वैशिष्ट्ये समाविष्ट आहेत.
- हे मानक ईव्ही लक्षात घेऊन तयार केले गेले आहे.
- इलेक्ट्रिक वाहन इलेक्ट्रिक मोटर आणि रिचार्ज करण्यायोग्य बॅटरीवर चालतात.
Subscribe
