मुक्तपीठ टीम
‘स्वदेशी-सुरक्षित-दणकट’ हे तीन गुण एकत्र असणार एक लष्करी वाहन भारतात तयार करण्यात आलं आहे. नुकतेच ते पुणे येथे लष्करप्रमुख जनरल एम एम नरवणे यांच्या उपस्थितीत झालेल्या एका समारंभात लोकांसमोर आले. स्वदेशी बनावटीच्या अद्ययावत अशा आर्मर्ड इंजिनिअर रिकॉनिसन्स व्हेईकल्सचा पहिला संच भारतीय लष्कराला सोपवण्यात आला. त्या संचाला अभियंता कॉर्प्समध्ये दाखल करण्यात आले. त्यासाठीचे संशोधन संरक्षण संशोधन आणि विकास संस्था म्हणजेच DRDOने केले आहे. तर त्याचे उत्पादन पुण्यातील भारत इलेक्ट्रॉनिक्स आणि मेडक आयुद्ध निर्मिती कारखान्यात झाली आहे.
संरक्षण संशोधन आणि विकास संस्था म्हणजेच DRDOने या प्रणालीची रचना केली गेली आहे आणि मेडक आयुध निर्मिती कारखाना आणि पुण्याच्या भारत इलेक्ट्रॉनिक्स लिमिटेडने त्याची निर्मिती केली आहे. गेल्या एक वर्षापासून कोविड महामारीमुळे विविध निर्बंध असूनही भारतीय लष्कराला वाहनाचा पुरवठा वेळेवर सुरू आहे. हे वाहन अभियंता कार्ये पार पाडण्यासाठी आणि फोर्स कमांडर्सना रिअल टाइम सद्यस्थिती प्रदान करण्याच्या क्षमतेसह पाण्यातील अडथळे आणि दलदलीचे भाग शोधून काढण्यास सक्षम आहे. ही प्रणाली भारतीय सैन्याच्या विद्यमान अभियंता सर्वेक्षण क्षमता वाढवेल आणि भविष्यातील संघर्षांमध्ये यांत्रिक कार्यान्वयनाच्या समर्थनासाठी एक प्रमुख गेम चेंजर असेल.
पाहा व्हिडीओ:
Subscribe
