मुक्तपीठ टीम
देशातील साखर उद्योगाने बजावलेली कामगिरी कौतुकास्पद आहे. या उद्योगाने या हंगामात फेब्रुवारीपर्यंत २२२ लाख मेट्रिक टन साखरेचं उत्पादन केले आहे. चालू साखर हंगामात देशातील साखरेचे उत्पादन अंदाजे ३१० लाख मेट्रिक टन होण्याची शक्यता आहे. तर देशांतर्गत साखर वापर २६० लाख मेट्रिक टन राहण्याचा अंदाज आहे.
साखरेच्या अतिरिक्त साठ्याचा विनियोग करण्यासाठी चालू साखर हंगामादरम्यान प्रत्येक कारखान्यानुरूप ६० लाख मेट्रिक टन निर्यात कोटा ठरवून दिला आहे. याखेरीज बी-हाय गूळ, शुगर सिरप, इथेनॉल निर्मितीसाठी सरकार साखर कारखान्यांना प्रोत्साहन देत आहे.
साखर कारखान्यांपुढचा अतिरिक्त साखरेचा प्रश्न सोडवण्यासाठी सरकार प्रयत्न करत आहे. विविध कच्च्या मालापासून तयार होणाऱ्या इथेनॉलसाठी प्रोत्साहन म्हणून पारिश्रमिक मूल्य सरकारने निश्चित केले आहे. केंद्रीय ग्राहक व्यवहार, अन्न व सार्वजनिक वितरण राज्यमंत्री रावसाहेब दानवे यांनी लोकसभेत लेखी उत्तरात ही माहिती दिली.
पाहा व्हिडीओ:
Subscribe
