मुक्तपीठ टीम
सुप्रसिद्ध कॉमेडियन भारती सिंग ही नेहमीच तिच्या वजनाबद्दल उघडपणे बोलत असते. ती हास्याच्या दुनियेतील कॉमेडी क्वीन आहे. ती स्वतःचीही चेष्टा करून लोकांच्या चेहऱ्यांवर हास्य फुलवण्यापासून कधीही मागे हटली नाही. तिनं आपल्या भल्यामोठ्या कायेवरही विनोद करत वजनदार विनोद निर्मिती केली. एकप्रकारे तिचं विनोदी भांडवल असणारं शारीरिक वजनच तिनं कमी केलंय. लॉकडाऊन नंतर भारतीमध्ये झालेलं परिवर्तन पाहून सर्वांना आश्चर्य वाटले. तिने जवळजवळ १५ किलो वजन कमी केले आहे. तिच्या प्रयत्नांबद्दल जाणून घेण्यासाठी या कॉमेडी क्वीनच्या टीप्स गंभीरतेनं वाचा.
भारती सिंगने घडवला स्वत:मध्ये जबरदस्त बदल
- भारती सिंग सध्या ‘द कपिल शर्मा शो’ आणि ‘डान्स दीवाने ३’ मध्ये धमाल करत आहे.
- भारतीने गुलाबी रंगाचा त्यावर फुलांची डिझाईन असलेला ड्रेस घातलेली छायाचित्र सध्या गाजत आहेत.
- त्यातील तिचे कमी वजनातील नवे रुप पाहून प्रतिक्रियांचा पाऊस पडला.
- अलीकडेच तिने उघड केले की, वजन कमी करण्यासाठी तिने अधूनमधून उपवास केला.
- फोटोग्राफर वायरल भयानीने सोशल मीडियावर एक व्हिडीओ शेअर केला आहे.
View this post on Instagram
वजन कमी करण्यासाठी भारती मंत्र
- भारती पुढे म्हणते की, मी वजन कमी कसे केले ते सोपे आहे.
- ‘मी हे सगळ्यांना सांगेन, मी काहीही केले नाही, योग नाही, जिम नाही.
- मी फक्त माझे अन्न नियंत्रित केले आणि वेळेवर खाल्ले.
- ७ नंतर मी काहीही खात नाही आणि दुसऱ्या दिवशी मी १२ वाजता खातो.
- तुम्ही माझ्या इन्स्टाग्रामवर पाहिले असेल, मी पोस्ट केलेला पराठा आणि बटरचा फोटो खरा आहे.
- मी तेच खाते. मी पंजाब, अमृतसरची आहे. म्हणून मी ते सॅलड, ब्राऊन ब्रेड अजिबात खाऊ शकत नाही.
कॉमेडी क्वीनचे डाएट!
अलीकडेच भारतीची मैत्रिण म्हणजेच अभिनेत्री जॅस्मिन बहसीनने एक व्हिडीओ पोस्ट केला होता ज्यात भारती तिच्या जेवणाची थाळी सजवताना दिसत होती. भाताने भरलेले ताट, त्यावर तूप. तेव्हा जॅस्मिन म्हणते की, ‘चार चमचे तूप, आणि तेलयुक्त डाळ, हे भारतीचे वजन कमी करण्यामागचे रहस्य आहे.’
पाहा व्हिडीओ:
Subscribe
