“जगातील अर्ध्यापेक्षा जास्त महिला त्यांच्या मर्जीविनाच गर्भवती!” धक्कादायक अहवाल

मुक्तपीठ टीम

जगभरात दरवर्षी गर्भवती होणाऱ्या १२ कोटी १० लाख महिलांपैकी निम्म्या महिला त्यांच्या संमतीशिवाय गर्भवती होतात. केवळ ५७% प्रजनन आणि लैंगिक निर्णय घेण्यास सक्षम आहेत. युनायटेड नेशन्स पॉप्युलेशन फंडच्या जागतिक लोकसंख्या अहवाल-२०२२ नुसार, संमतीशिवाय गरोदर राहणाऱ्या सुमारे ६० टक्के महिलांचा गर्भपात केला जातो.

या एकूण गर्भपातांपैकी ४५ टक्के गर्भपात असुरक्षित आहेत, ज्यामुळे माता मृत्यूचे प्रमाण ५-१३ टक्के आहे. अहवालानुसार, १९९० ते २०१९ दरम्यान, दर हजार महिलांमागे अनपेक्षित गरोदर महिलेंची संख्या ७९ वरून ६४ वर आली आहे. अहवालानुसार, ज्या ६४ देशांतील महिलांवर हा अभ्यास करण्यात आला. यापैकी ४७ देशांतील ४०% महिला गर्भनिरोधक वापरत नाहीत. एकूण २३% स्त्रिया इच्छा नसतानाही संभोग करण्यास विरोध करत नाहीत आणि ८% गर्भनिरोधक निर्णय घेण्यास असमर्थ असतात.

संयुक्त राष्ट्रांकडून धक्कादायक आकडेवारी

• दरवर्षी १२.१ कोटी गर्भधारणा होते
• केवळ ५७% स्त्रिया प्रजनन आणि लैंगिक अधिकारांचे निर्णय घेण्यास सक्षम आहेत
• २३ टक्के स्त्रिया इच्छा नसतानाही संभोग करण्यास विरोध करू शकत नाहीत.
• ८% गर्भनिरोधक निर्णय घेण्यास असमर्थ