मुक्तपीठ टीम
दिल्ली उच्च न्यायालयाने केंद्र सरकारला भारतीय विमानांच्या कॉल साइनच्या म्हणून ‘व्हीटी’ ऐवजी अन्य अक्षरं लावण्याच्या याचिकेवर विचार करण्यास सांगितले आहे. कॉल साइन्स हे नोंदणी कोड असतात ज्यामुळे विमानं कोणत्या देशातील आहेत याची ओळख होते. कारण व्हीटी शब्दांमुळे स्वातंत्र्याच्या अमृतमहोत्सवी वर्षातही भारत जणू आजही गुलामीत असल्याचे दाखवतात.
याचिकेनुसार, व्हीटीचा अर्थ ‘व्हिक्टोरिया टेरिटरी किंवा व्हाइसरॉयचा प्रदेश’ असा आहे. भारत हा सार्वभौम देश आहे. या गुलामगिरीच्या चिन्हाने त्याचे कॉल साइन्स स्वतःच्या चिन्हात बदलले पाहिजे. भाजप नेते आणि अधिवक्ता अश्विनी कुमार उपाध्याय यांच्या याचिकेवर न्यायमूर्ती सतीश चंद्र शर्मा आणि न्यायमूर्ती सुब्रमण्यम प्रसाद म्हणाले की, ही एक धोरणात्मक बाब आहे, केंद्र सरकार त्यावर निर्णय घेऊ शकते.
सरकारच्या स्थायी वकील मोनिका अरोरा यांनी सांगितले की, “याचिकाकर्ता आपला अहवाल कधीही सरकारसमोर ठेवू शकतो. त्यावर काही वाद झाला आणि याचिकाकर्त्याने आपली बाजू सरकारसमोर मांडण्याची परवानगी मागितली. उच्च न्यायालयाने ते मान्य केले. याचिकेनुसार, सर्व भारतीय विमानांना व्हीटी कॉल साइन वापरावे लागेल. देशांतर्गत विमान कंपन्या त्यांच्या नावाचा कोड त्याच्या नंतर लिहितात, कारण इंडिगोने जेट विमानांसाठी VT-IDV आणि VT-JMV कोड दिले आहेत. हे सहसा विमानाच्या मागील दरवाजासमोर आणि खिडकीच्या वर आढळते.”
Subscribe
