सिलिंडर स्फोटात जीव गमावलेल्या चिमुरड्याच्या मुद्द्यावर भाजपा आक्रमक, आरोग्य समितीतून राजीनामे, यशवंत जाधवांना घेराव!

मुक्तपीठ टीम

वरळीतील सिलिंडर ब्लास्ट घटनेतील जखमी चार महिन्यांच्या बाळाचा नायर रुग्णालयामध्ये उपचाराअभावी काही दिवसांपूर्वी मृत्यु झाला होता. यावरुन भाजपा नगरसेवकांनी आरोग्य समितीचा राजीनामा दिला. त्याविषयी बोलताना स्थायी समिती अध्यक्ष यशवंत जाधव यांनी भाजपचे लोक राजीनामा देतात आम्ही शिवसेनेचे मात्र लढतो, असे वक्तव्य केले. याच पार्श्वभूमीवर भाजपा नगरसेवक चिडले आणि  त्यानंतर भाजपा आणि शिवसेनेचे नगरसेवक आमनेसामने आले होते. भाजपा नगरसेवकांनी यावेळी यशवंत जाधव यांना घेरलं.

नेमकं काय घडलं?

• नायर रुग्णालयात उपचाराअभावी ४ महिन्यांच्या बाळाचा काही दिवसांपूर्वी मृत्यू झाला होता.
• हे बाळ त्याच्या परिवारासह वरळीतील सिलिंडर ब्लास्टच्या घटनेत जखमी झालं होतं.
• या घटनेवरुन भाजप नगरसेवकांनी आरोग्य समिती सदस्यत्वाचे राजीनामे दिले होते.
• त्याविषयी बोलताना यशवंत जाधव यांनी भाजपाचे लोक राजीनामा देतात, आम्ही सेनेचे लोक मात्र लढतो, असं वक्तव्य केलं होतं.
• जाधवांच्या या वक्तव्यावरुन भाजपाचे नगरसेवक चिडले आणि त्यानंतर भाजप आणि शिवसेनेचे नगरसेवक आमनेसामने आले होते.
• अण्णाभाऊ साठे सभागृहाबाहेर भाजप-सेना नगरसेवकांमध्ये जोरदार राडा पाहायला मिळाला.
• भाजपचे गटनेते प्रभाकर शिंदे आणि स्थायी समिती सभापती यशवंत जाधव यांनी एकमेकांवर आरोप प्रत्यारोप केलेत.
• भाजप नेता बोलत असतानाच शिवसेनेकडून धक्काबुक्की करण्यात आल्याचा आरोप करण्यात आलाय.
• दोन्ही बाजूने जोरदार घोषणबाजी झाली.

वरळीत नेमकं काय घडलं?

• वरळीतील कामगार वसाहत येथील बीडीडी चाळ क्रमांक ३ मधील एका घरात तीन दिवसांपूर्वी गॅस सिलिंडरचा स्फोट झाला.
• सिलिंडरच्या स्फोटानंतर आगीचा भडका उडाला.
• त्यामुळे संपूर्ण घराला आग लागली.
• आगीची घटना कळताच तात्काळ अग्निशमन दलाने घटनास्थळी धाव घेतली.
• अग्निशमन दलाच्या अथक प्रयत्नांनंतर ही आग आटोक्यात आणण्यात यश आलं होतं.
• मात्र, या स्फोटात चार जण गंभीर जखमी झाले होते.
• यात एका चार महिन्याच्या बाळाचाही समावेश होता.
• जखमी झालेल्या चौघांना मुंबई सेंट्रल इथल्या पालिकेच्या नायर रुग्णालयात पाठवण्यात आलं होतं.
• मात्र डॉक्टरांनी हलगर्जीपणा केल्याने या कुटूंबाला वेळेवर उपचार मिळू शकले नाहीत आणि त्यातच चिमुकल्याचा मृत्यू झाला.