“गृहखात्यामुळे राष्ट्रवादीच्या लोकांकडे शिवीगाळ, ॲट्रोसिटीच्या धमक्या, महिलांना मारहाण याचं लायसन्स आहे का?”

मुक्तपीठ टीम

पुण्यात राष्ट्रवादीच्या कार्यकर्त्याने एका महिला सरपंचाला मारहाण करत असल्याचा धक्कादायक व्हिडिओ व्हायरल झाल्यानंतर भाजपा आक्रमक झाली आहे. पुण्यातील कदमवाक वस्ती भागात लसीकरण केंद्रात ही घटना घडली आहे. हा व्हिडिओ व्हायरल होताच पोलिसांनी गुन्हा दाखल केला आहे, परंतु अद्याप आरोपीला अटक करण्यात आलेली नाही. घटनेचा व्हिडीओ व्हायरल झाल्यानंतर सर्वच स्तरातून टीका होत आहे. “गृहखात्यामुळे राष्ट्रवादीच्या लोकांकडे शिवीगाळ, ॲट्रोसिटीच्या धमक्या, महिलांना मारहाण यांचे याचं लायसन्स आहे का?”, असा सवाल भाजपा नेत्या चित्रा वाघ यांनी विचारला आहे.

लसीकरण केंद्रात राष्ट्रवादी कार्यकर्त्यांची महिला सरपंचांना मारहाण

मारहाणीच्या व्हिडिओच्या आधारे पोलिसांनी आरोपी सुजीत काळभोरविरुद्ध गुन्हा दाखल केला आहे.
गौरी गायकवाड असे महिला सरपंचाचे नाव आहे.
गौरी गायकवाड या लसीकरण केंद्रात असताना सुजित काळभोर याने आतमध्ये घुसून त्यांना मारहाण केल्याची माहिती समोर आली आहे.

महिलेनं चांगलं काम केलं तर गुंडगिरी!

संबंधित घटना कॅमेऱ्यातही कैद झाली आहे.
या घटनेबाबत सरपंच गौरी म्हणाल्या की, जर महिला सरपंच चांगले काम करत असेल तर तिला गुंडगिरीला सामोरे जावे लागते.
राष्ट्रवादीच्या या कार्यकर्त्यावर याआधीही महिलांवर हात उचलल्याचे आरोप आहेत.

चित्रा वाघांचा ट्विटरवर संताप

भाजपा उपाध्यक्षा चित्रा वाघ यांनी ट्विटरवर घटनेविषयी संताप व्यक्त केला.
हे धक्कादायक चीड आणणारं आणि तळपायाची आग मस्तकापर्यंत नेणारं असल्याचं वाघ यांनी म्हटलं आहे.
चित्रा वाघ यांनी महिलेला मारहाण केल्याचा व्हिडीओ ट्विट केला आहे.
“पुण्याजवळील कदमवाकवस्ती गावच्या लोकनिर्वाचित सरपंच गौरी गायकवाड यांना मारहाण झाली आहे. मारहाण करणारा कोण? तर तो आहे राष्ट्रवादी काँग्रेसचा,”
“गृहखातं ज्या पक्षाकडे त्या पक्षाच्या आमदार व कार्यकर्त्यांना महिला अधिकाऱ्यांना गलीच्छ शिवीगाळ करणे, त्यांना ॲट्रोसिटीच्या धमक्या देणे, महिला सरपंचाला मारहाण करणे याचं लायसन्स दिलयं का?,” असा प्रश्न विचारला आहे.

हे धक्कादायक चीड आणणारं आणि तळपायाची आग मस्तकापर्यंत नेणारं आहे !

पुण्याजवळील कदमवाकवस्ती गावच्या लोकनिर्वाचित सरपंच @GauriCGaikwad यांना मारहाण झालीय !

मारहाण करणारा कोण? तर तो आहे @NCPspeaks चा !…..(१/२)@PuneCityPolice @CPPuneCity @Dev_Fadnavis @BJP4Maharashtra pic.twitter.com/IKZs4Bakts

— Chitra Kishor Wagh (@ChitraKWagh) September 3, 2021