अन्न प्रक्रिया क्षेत्रात सरकारी मदतीने उद्योग उभारण्यासाठी २७ जूनपासून अर्ज करा!

मुक्तपीठ टीम

देशातील अन्न प्रक्रिया उद्योगातील वाढत्या संधींचा फायदा तरुणांनी घेण्यासाठी केंद्र सरकारने प्रयत्न सुरु केले आहेत. केंद्रीय अन्न प्रक्रिया उद्योग मंत्रालयाने अन्न प्रक्रिया क्षेत्रात उद्योग उभारणीच्या काही योजना जाहीर केल्या आहेत. प्रधानमंत्री किसान संपदा योजना म्हणजे PMKSY खाली काही उप योजनांनुसार अर्ज मागवले आहे. त्यासाठी २७ जून रोजी सकाळी १० पासून सुरुवात होणार आहे.

शेतीमालावर प्रक्रिय करण्यासाठी पायाभूत सुविधा तयार करण्यासाठीची योजना (APC)

अन्न प्रक्रिया आणि साठवण क्षमता तयार करणे / वाढवणे यासाठीची योजना (एकक योजना ) (CEFPPC)
एकात्मिक शीत साखळी आणि मूल्य वर्धन पायाभूत सुविधा योजना (Cold Chain)
अन्नसुरक्षा आणि गुणवत्ता हमी पायाभूत सुविधा (FTL)
ऑपरेशन ग्रीन्स – दीर्घकालीन उपाययोजना (OG)

अन्न प्रक्रियेसंबंधित उद्योग सुरू करू इच्छिणारे पात्र संभाव्य प्रवर्तक / गुंतवणूकदार / नव उद्योजक आपले ऑनलाइन अर्ज https://sampada-mofpi.gov.in या संकेतस्थळावरुन दिनांक २७ जून २०२२ या दिवशी सकाळी १० पासून भरु शकतील.

हे अर्ज www.mofpi.gov.in या संकेतस्थळावर संबंधित उपयोजनेच्या दिनांक ०८ जून २०२२ रोजी जारी करण्यात आलेल्या सुधारित नियमावली अनुसार विहित नमुन्यात केलेले असावेत.

बोली पूर्व बैठक दिनांक ४ जुलै २०२२ रोजी सकाळी ११ वाजता खोली क्रमांक १२०, पंचशील भवन, ऑगस्ट क्रांती मार्ग, नवी दिल्ली येथे होईल.

उप योजनेअंतर्गत स्वारस्य पत्र प्रतिसादाअंतर्गत प्राप्त झालेल्या अर्जांचे मूल्यमापन स्वतंत्रपणे केले जाईल आणि पात्रता निकष पूर्ण करणाऱ्या तसेच संबंधित उप योजनेच्या मार्गदर्शक तत्त्वानुसार किमान पात्रता मूल्यांकन निकष पूर्ण करणाऱ्या अर्जांना गुणवत्तेनुसार मंजुरी देण्यात येईल.

अर्ज सादर करण्याच्या शेवटच्या तारखेच्या एका आठवड्याच्या आत मूळ धनादेश मंत्रालयाकडे पोहोचेल असा पाठवावा.

ऑनलाइन अर्ज दिनांक १० ऑगस्ट २०२२ रोजी संध्याकाळी ०५ पर्यंत सादर करता येतील.