अजित पवार म्हणतात उगाच वेगळा अर्थ काढला! माझं एकट्याचंच भाषण नाही झालं, असं नाही!

मुक्तपीठ टीम

राष्ट्रवादी काँग्रेसच्या राष्ट्रीय कार्यकारणीत अजित पवारांनी भाषण टाळलं, ते मंचावरून गायब झाले आणि माध्यमांमध्ये त्यांच्या नाराजीच्याच नाहीतर राष्ट्रवादी काँग्रेसमध्ये फुटीच्या चर्चाही रंगल्या. पण आज स्वत: विरोधी पक्षनेते अजित पवार पुढे सरसावले, त्यांनी माध्यमांनी उगाच भलता अर्थ काढल्याचा दावा केला.

माध्यमांनी नेहमीप्रमाणे वेगळा अर्थ काढला…

• राष्ट्रवादीचं काल अधिवेशन पार पडलं.
• पक्षाच्या वाटचालीबद्दल अनेक ज्येष्ठ नेत्यांनी कार्यकर्त्याना मार्गदर्शन केलं.
• महाराष्ट्राचे अध्यक्ष म्हणून जयंत पाटील यांनी भूमिका मांडली.
• राष्ट्रीय अधिवेशनात राष्ट्रीय अध्यक्ष आणि राज्याचे प्रमुख भूमिका मांडत असतात.
• त्यामुळे मी बोलणं टाळलं.
• माध्यमांनी नेहमीप्रमाणे वेगळा अर्थ काढला.
• वास्तविक तिथे मला कुणी बोलू नका, असं सांगितलं नव्हतं.
• मीच बोलायचं नाही, अशी भूमिका घेतली.

वस्तुस्थितीला धरुन बातम्या असाव्यात!!

• बरं मी एकटाच बोललो नाही असं ना.
• वेळेअभावी सुनील तटकरे, वंदना चव्हाण, वेगवेगळ्या राज्यातले प्रतिनिधी यांनाही बोलता आलं नाही.
• मी नंतर मराठी मीडियाशी चर्चा केली.
• मी का बोललो नाही, याचं कारण मीडियाला सांगितलं. आपापली भूमिका मांडण्याचा सगळ्यांना अधिकार आहे.
• पण वस्तुस्थितीला धरुन बातम्या असाव्यात.

गैरसमज दूर करण्यासाठी आजची पत्रकार परिषद!!

• १९९१ ला मी खासदार झालो.
• गेली ३५ वर्ष मी लोकप्रतिनिधी आहे.
• पक्षाच्या राष्ट्रीय अधिवेशाला मी उपस्थिती लावतो.
• पण बऱ्याच वेळा मी राष्ट्रीय अधिवेशनात भाषण करत नाही.
• राज्यामध्ये सभा, अधिवेशन, चर्चा असतील तर मात्र मी बोलत असतो.
• मी नाराज असल्याचे गैरसमज दूर करुन राज्यासमोरचे प्रश्न आणि सरकराची चुकीची धोरणं यावर बोलण्यासाठी आजची पत्रकार परिषद घेतली.