मुक्तपीठ टीम
“तो मी नव्हेच” या गाजलेल्या नाटकातील कै. प्रभाकर पणशीकर यांच्या भुमिकेनंतर अनिल परब यांचे आता दापोली रिसॉर्ट घोटाळ्या संबंधात तो मी नव्हेच अश्या प्रकारची भूमिका, नाटक हे एक अभिनय (अॅक्टिंग) आहे असे प्रतिपादन भाजपा किरीट सोमय्या यांनी केले आहे.
अनिल परब यांनी दापोली येथे बेकायदेशीर रिसॉर्ट बांधला ज्याचे बाजार मूल्य २५ कोटींहून अधिक आहे. प्रवर्तन निदेशालय (ईडी) यांनी घातलेल्या धाडी संबंधी “सांडपाणी” साठी ईडीवाले आले होते, असे विनोदी विधान भ्रष्टाचाराची गंगा असलेले अनिल परबच करू शकतात.
हा रिसॉर्ट अनिल परब यांचा आहे असा अर्ज २०१९ मध्ये अनिल परब यांनी शासनाकडे केला होता. त्याच्यावरील घरपट्टी, मालमत्ता कर २०१९-२०, २०२०-२१ व २०२१-२२ या वर्षांचा अनिल परब यांनी भरला. हा रिसॉर्ट डिसेंबर २०२० मध्ये सदानंद कदम यांच्या नावावर अनिल परब यांनी ट्रान्सफर केला. किरीट सोमैया यांनी अनिल परब यांना प्रश्न केला आहे की,
१) १६,८०० स्के.फि. च्या रिसॉर्टचे घरपट्टी, मालमत्ता कर नोव्हेंबर २०१९ पासून अनिल परब भरत आहेत.
२) मालमत्ता कर अनिल परब भरतात परंतु मालमत्ता/प्रॉपर्टी स्वत:च्या नावाने इन्कमटॅक्स मध्ये व रिटर्न मध्ये दाखवले नाही. रिसॉर्ट बांधण्याचा करोडो रुपये खर्च अनिल परब यांनी आपल्या चोपडा/वाहिखात्यात मध्ये दाखवला नाही. अनिल परब यांनी बेनामी मालमत्ता उभी केली.
३) अनिल परब यांनी भ्रष्टाचार/गुन्हेगारीचा पैसा रिसॉर्ट बांधण्यासाठी वापरला.
४) २५ कोटींचा रिसॉर्ट केवळ १ कोटी रुपयात शेत जमीन म्हणून मार्च २०२१ मध्ये सदानंद कदम यांच्या नावावर ट्रान्सफर केला.
५) अनिल परब यांनी फोर्जरी, फसवणूक, चीटिंग केले आहे व त्यावर कारवाई करण्याचे आदेश, रिसॉर्ट तोडण्याचे आदेश महाराष्ट्र सरकार व केंद्र सरकारने दिले.
अनिल परब यांच्या विरोधात पर्यावरण मंत्रालय भारत सरकार, महाराष्ट्र सागरी किनारा क्षेत्र व्यवस्थापन प्राधिकरण (MCZMA), आयकर विभाग, प्रवर्तन निदेशालय (ED) चौकशी व कारवाई करित आहेत.
बेकायदेशीर रिसॉर्ट तुटणार व अनिल परब यांना शिक्षा होणार असा विश्वास किरीट सोमैया यांनी व्यक्त केला आहे.
Subscribe
