राज्यात ओमायक्रॉनचे सहा नवे रुग्ण, आजवर एकूण ५४! २८ बरे होऊन घरी! कोरोनाची रग्णसंख्याही वाढतीच, पुन्हा हजाराकडे!  

मुक्तपीठ टीम

राज्यात रविवारी ओमायक्रॉनचे सहा नव्या रुग्णांचे निदान झाले आहे. त्यामुळे राज्यातील आजवरची एकूण ओमायक्रॉनबाधितांची संख्या ५४वर पोहचली आहे. त्याचवेळी २८ बाधित उपचारानंतर बरे होऊन घरीही परतले आहेत. दुसरीकडे कोरोनाची रग्णसंख्याही वाढताना दिसत आहे. रविवारी राज्यात ९०२ नवे रुग्ण आढळले आहेत. तर ७६७ रुग्ण बरे होऊन घरी परतले आहेत.

कोरोना स्थितीचे ठळक मुद्दे

• आज राज्यात ९०२ नवीन रुग्णांचे निदान.
• आज ७६७ रुग्ण बरे होऊन घरी.
• राज्यात आजपर्यंत एकूण ६४,९७,५०० करोना बाधित रुग्ण बरे होऊन घरी.
• यामुळे राज्यातील रुग्ण बरे होण्याचे प्रमाण (Recovery Rate) ९७.७१% एवढे झाले आहे.
• राज्यात आज ९ करोना बाधित रुग्णांच्या मृत्यूंची नोंद.
• सध्या राज्यातील मृत्यूदर २.१२% एवढा आहे.
• आजपर्यंत तपासण्यात आलेल्या ६,७६,८४,६७४ प्रयोगशाळा नमुन्यांपैकी ६६,४९,५९६ (९.८२  टक्के) नमुने पॉझिटिव्ह आले आहेत.
• सध्या राज्यात ७२,९८२ व्यक्ती होमक्वारंटाईनमध्ये आहेत तर ८९८ व्यक्ती संस्थात्मक क्वारंटाईनमध्ये आहेत.
• राज्यात आज रोजी एकूण ७,०६८ सक्रिय रुग्ण आहेत.

ओमायक्रॉन सर्वेक्षण विषयक माहिती –

• आज राष्ट्रीय विषाणू विज्ञान संस्थेने दिलेल्या अहवालानुसार राज्यात आणखी ६ रुग्ण ओमायक्रॉन बाधित आढळले आहेत. यापैकी ४ रुग्ण मुंबई विमानतळ सर्वेक्षणातील तर १ रुग्ण पुणे जिल्ह्यातील आणि १ रुग्ण पिंपरी चिंचवड मनपा क्षेत्रातील आहेत.
• आजपर्यंत राज्यात एकूण ५४ ओमायक्रॉन विषाणू बाधित रुग्ण रिपोर्ट झाले आहेत.

• यापैकी २८ रुग्णांना त्यांची आर टी पी सी आर चाचणी निगेटिव्ह आल्यानंतर रुग्णालयातून घरी सोडण्यात आले आहे.
• आज ओमायक्रॉन बाधित आढळलेल्या ६ रुग्णांची सर्वसाधारण माहिती –
• मुंबईचे ४ रुग्ण

• मुंबईतील चारही रुग्ण हे विमानतळावरील सर्वेक्षणातून शोधण्यात आले आहेत. यातील एक रुग्ण मुंबईतील आहे .
• २  रुग्ण कर्नाटक राज्यातील तर १ रुग्ण औरंगाबाद येथील रहिवासी आहे.
• यातील २ जणांनी टांझानियाचा तर २ जणांनी इंग्लंडचा प्रवास केलेला आहे.
• हे चारही जण पूर्ण लसीकरण झालेले आणि लक्षणविरहित आहेत. सर्वजण सध्या मुंबईतील सेव्हन हिल रुग्णालयात विलगीकरणात आहेत.
• हे रुग्ण २१ ते ५७ वर्षे या वयोगटातील असून यात २ स्त्रिया तर २ पुरुष आहेत.

• आज पुणे जिल्ह्यातील जुन्नर येथील आंतरराष्ट्रीय प्रवाशांच्या संपर्कातील एका ५ वर्षीय मुलामध्ये ओमायक्रॉन विषाणूचे निदान झाले आहे. या रुग्णास कोणतीही लक्षणे नाहीत.
• पिंपरी चिंचवड मनपा क्षेत्रातील मध्यपूर्वेत प्रवास करुन आलेल्या ४६ वर्षीय पुरुषांमध्ये ओमायक्रॉन विषाणू आढळला आहे. या रुग्णाची लक्षणे सौम्य असून तो सध्या एका खाजगी रुग्णालयात भरती आहे. त्याचे लसीकरण पूर्ण झालेले आहे.

दरम्यान १ डिसेंबर पासून आज सकाळपर्यंत राज्यातील मुंबई, पुणे आणि नागपूर आंतरराष्ट्रीय विमानतळावर  करण्यात आलेल्या तपासणीचा तपशील खालीलप्रमाणे आहे –

या शिवाय राज्यात १ नोव्हेंबर पासून आलेल्या आंतरराष्ट्रीय प्रवाशांचे देखील क्षेत्रिय पातळीवर सर्वेक्षण सुरु आहे. विमानतळ आणि क्षेत्रीय सर्वेक्षणातून आतापर्यंत ५६४ प्रयोगशाळा नमुने जनुकीय तपासणीसाठी पाठविण्यात आले आहेत. यापैकी ७५ नमुन्यांचा अहवाल अद्याप प्रलंबित आहे.

करोना बाधित रुग्ण –

आज राज्यात ९०२ नवीन रुग्णांची नोंद झाली. आता राज्यातील कोरोना बाधित रुग्णांची एकूण संख्या ६६,४९,५९६ झाली आहे. राज्यातील जिल्हा आणि  मनपानिहाय रुग्णांचा तपशील पुढीलप्रमाणे आहे-

(ही माहिती केंद्र सरकारच्या आय. सी. एम. आर.पोर्टलवर मान्यताप्राप्त प्रयोगशाळांनी भरलेल्या कोविड १९ बाधित रुग्णांच्या आकडेवारीनुसार तयार करण्यात आलेली आहे. प्रयोगशाळा अहवाल छाननी आणि त्यानुसार उपलब्ध होणारी आकडेवारी ही सातत्याने चालणारी प्रक्रिया असल्याने राज्याच्या एकूण आकडेवारीमध्ये बदल होऊ शकतो.)

ही बातमी राज्य आरोग्य विभागाच्या १९ डिसेंबर २०२१ च्या अद्ययावत आकडेवारीवरुन तयार करण्यात आली आहे.