पालकमंत्री यशोमती ठाकूर आमदार राणांना चिल्लगगिरी करतात असं का म्हणाल्या?

मुक्तपीठ टीम

अमरावती जिल्हा नियोजनाच्या आढावा बैठकीत जिल्ह्याच्या पालकमंत्री यशोमती ठाकूर आणि आमदार रवी राणा यांच्यात शाब्दिक वाद झाला आहे. दिवाळीच्या आधी शेतकऱ्यांना मदत मिळावी ही मागणी जोर लावून धरली असताना दोघांमध्ये कडाक्याचं भांडण झालं. त्यावेळी, यशोमती ठाकूर यांनी थेट पोलिसांनाच बोलावले होते. यामुळे एकच गोंधळ उडाला होता. त्यानंतर प्रतिक्रिया देताना पालकमंत्री यशोमती ठाकूर आमदार राणांना चिल्लगगिरी करतात असं म्हणाल्या. राणांसाठी त्यांनी वापरलेला शब्द आता चर्चेचा विषय झाला आहे.

नेमकं काय घडलं?

आमदार रवी राणा यांनी दिवाळीच्या आधी शेतकऱ्यांना मदत मिळावी, तसा ठराव जिल्हा नियोजन बैठकीत पास करावा अशी मागणी केली.
त्यांनी जिल्हा नियोजन समितीची बैठक सुरू होण्यापूर्वी नियोजन भवनाच्या बाहेरच कुजलेलं सोयाबीन जाळलं.
यावेळी संत्रे, कुजलेलं सोयाबीन फेकून राज्य सरकार विरोधात मोठी घोषणाबाजी केली.
त्यानंतर नियोजन भवनात बैठक सुरू झाल्याबरोबर पालकमंत्री यशोमती ठाकूर आणि आमदार रवी राणा यांच्यात शाब्दिक वाद झाला.

पालकमंत्री यशोमती ठाकूर यांची प्रतिक्रिया

आमदार रवी राणावर गंभीर आरोप केलेत.
अमरावतीची ही संस्कृती नाही, अमरावतीचे काही लोकप्रतिनिधी वायफळ सारखे वागतात.
आमदार रवी राणांनी जे केलंय ते चिल्लरगिरी आहे.
स्वतःला शेतकऱ्यांचं कैवारी समजतात आणि पदोपदी नौटंकी करतात.
सोयाबीन जाळून लोकप्रतिनिधींनी जे नाटक केलं ते फक्त नौटंकी होती.
एखाद्या महिला लोकप्रतिनिधी किंवा पालकमंत्री सोबत एक आमदारांनी कसं वागावं हे ही माहीत नाही त्यांना.
स्वतःला आधी आरशात पाहावं मग बोलावं.
आमदार रवी राणांवर यांनी काय काय घोटाळे केले हे आधी सांगावं असंही यशोमती ठाकूर म्हणाल्या.