उत्तर प्रदेश निवडणुकांमध्ये रामानंतर आता लव-कुश का?

मुक्तपीठ टीम

उत्तर प्रदेशच्या विधानसभा निवडणुकांसाठी भाजपा ओबीसी कार्ड वापरतानाच लव-कुश सूत्रही वापरणार आहे. राज्यातील ओबीसी जातींमधील दोन जातींच्या मतदारांना लक्ष्य करून आपल्याकडे वळवण्यासाठी भाजपाने हे मूळ बिहारमधील जनता दलाचे सूत्र उत्तर प्रदेशातही वापरले होते. आता ते पुन्हा वापरले जाणार आहे. त्यासाठी दोन ओबीसी जातींमधील दोन नेत्यांवर जबाबदारी सोपवण्यात आली आहे.

काय आहे लव-कुश सूत्र

• कुर्मी समाज रामपुत्र लव यांचे वंशज असल्याचा दावा करतो.
• कोईरी समाज लवचा भाऊ कुशचे वंशज असल्याचा दावा करतो.
• बिहारचे मुख्यमंत्री नितीशकुमार यांनी लालू प्रसाद यादव यांच्या एम-व्हाय म्हणजेच मुस्लिम-यादव समीकरणावर तोड म्हणून कुर्मी-कोईरी (लव-कुश) चे जातीय सूत्र तयार केले, तेथे राजकीयदृष्ट्या खूप यशस्वी होते.
• हे सूत्र भाजपने उत्तर प्रदेशात स्वीकारला आणि १५ वर्षांचा सत्तेचा वनवास संपवला.
• भाजपा पुन्हा एकदा या लव-कुश सूत्राचा अवलंब करणार आहे.

ओबीसी नेत्यांवर जबाबदारी

• ओबीसी अधिवेशनाच्या माध्यमातून भाजपा लोकांना केंद्र आणि राज्य सरकारच्या कामगिरीबद्दल आणि संघटनेत मागासवर्गीयांच्या सहभागाबद्दल सांगेल.
• ही परिषद उपमुख्यमंत्री केशव प्रसाद मौर्य आणि भाजप प्रदेशाध्यक्ष स्वतंत्र देव सिंह यांच्या नेतृत्वाखाली आयोजित केली जाईल.
• हे दोघेही ओबीसी समाजाचे मोठे नेते मानले जातात.
• स्वतंत्र देव सिंह कुर्मी तर केशव प्रसाद मौर्य कुशवाह आहेत.

लोकसभा निवडणुकीपूर्वीच भाजपने ओबीसी अधिवेशन घेतली

• २०१९ च्या लोकसभा निवडणुकीपूर्वीच भाजपने ओबीसी अधिवेशने आयोजित केली होती.
• मौर्य, कुशवाह, यादव, कुर्मी, निशाद अनेक मागास जातींचा यात समावेश होता.
• सुमारे दीड महिने चाललेल्या या परिषदेचा भाजपलाही फायदा झाला होता.
• त्यामुळे आता ते त्याच सूत्राचे पालन करणार आहे.

उत्तर प्रदेश निवडणुकीसाठी भाजपाचे ‘ओबीसी कार्ड’ कशासाठी?