मुक्तपीठ टीम
टीव्ही शो ‘ससुराल सिमर का’, ‘ये रिश्ता क्या कहलाता है’ यासारख्या गाजलेल्या मालिकांमध्ये काम करणारी अभिनेत्री वैशाली टक्करने तिच्या इंदूर येथील राहत्या घरी आत्महत्या केली. पोलिसांना तिच्या मृतदेहाजवळ एक सुसाईड नोट सापडली असून त्याच्या मदतीने पोलिसांनी या प्रकरणाचा तपास सुरू केला आहे. वैशालीच्या या कठोर पावलामागे पोलीस तपास करत आहेत. तिच्या मृत्यूने सर्वांनाच धक्का बसला आहे. त्याच वेळी, आता या प्रकरणाशी संबंधित एक नवीन अपडेट आले आहे, जे इंदूरचे सहाय्यक पोलीस आयुक्त एम रहमान यांनी दिले आहे. रहमान यांनी दिलेल्या माहितीनुसार, तिचा एक्स बॉयफ्रेंड अनेक दिवसांपासून अभिनेत्रीला त्रास देत होता, त्यामुळे ती खूप तणावाखाली होती.
अभिनेकत्रीने का उचलले टोकाचे पाऊल?
- इंदूरचे सहाय्यक पोलीस आयुक्त एम रहमान यांनी सांगितले- ‘अभिनेत्रीच्या फोनची आणि इतर चौकशी केली जात आहे.
- तपासात समोर आले आहे की, वैशालीचा एक्स बॉयफ्रेंड राहुल हा तिच्या शेजारीच राहतो जो तिला अनेक दिवसांपासून त्रास देत होता, त्यामुळे तिने आत्महत्या करण्याचा निर्णय घेतला.
- तिला दुसऱ्याशी लग्न करायचे होते पण तो तिला तसे करण्यापासून रोखत होता. सध्या राहुल फरार असून पोलीस त्याचा शोध घेत आहेत.
सुसाईड नोटमधून हे रहस्य उघड झाले
- अभिनेत्री वैशाली टक्करच्या खोलीतून सुसाईड नोट सापडली आहे.
- ती डिप्रेशनमध्ये होती आणि तिचा शेजारी राहुल नवलानी तिला त्रास देत होता, अशी माहिती मिळाली आहे.
- राहुल हा बिझनेसमन आहे.
- सहाय्यक पोलीस आयुक्त एम रहमान यांनी सांगितले की, राहुल हा वैशालीचा शेजारीच होता आणि तो तिचा एक्स बॉयफ्रेंडही होता. तो वैशालीला त्रास देत होता.
- त्यामुळेच तिने एवढं मोठं पाऊल उचललं. तिचे दुसऱ्या व्यक्तीशी लग्न होणार होते आणि यासाठी राहुल तिला त्रास द्यायचा. सध्या पोलीस या प्रकरणाचा तपास करत आहेत.
‘या’ मालिकेतून वैशाली टक्करला ओळख मिळाली होती…
- वैशाली ठक्करने ‘ये रिश्ता क्या कहलाता है’ मधून तिच्या करिअरची सुरुवात केली होती.
- त्यानंतर ‘ससुराल सिमर का’ या मालिकेत काम करून ती स्टार बनली.
- अभिनेत्रीने अनेक मालिकांमध्ये काम केले.
- ती मध्य प्रदेशातील उज्जैन जिल्ह्यातील महिदपूर शहरातील रहिवासी होती. गेल्या तीन वर्षांपासून ती इंदूरमध्ये राहत होती.
Subscribe
