मुक्तपीठ टीम
२०१९ मधील विधानसभा निवडणुकीत चंद्रकांत पाटील यांच्या कोथरुडमधील विजयावर सर्वोच्च न्यायालयाकडूनही शिक्कामोर्तब करण्यात आले आहे. सर्वोच्च न्यायालयाने ॲड. किशोर शिंदे यांची याचिका फेटाळून लावली आहे.
२०१९ च्या विधानसभा सार्वत्रिक निवडणुकीत भारतीय जनता पक्षाचे उमेदवार चंद्रकांत पाटील यांनी निर्विवाद विजय मिळवला होता. या निवडणुकीतील निकालाला ॲड. किशोर शिंदे यांनी माननीय उच्च न्यायालयात आव्हान दिले होते. मात्र उच्च न्यायालयाने ॲड शिंदे यांची याचिका फेटाळून लावत, माननीय चंद्रकांतदादा पाटील यांचा विजयावर शिक्कामोर्तब केले होते.
त्यानंतर उच्च न्यायालयाच्या निकालाला ॲड. शिंदे यांनी सर्वोच्च न्यायालयात आव्हान देत, याचिका दाखल केली होती. सर्वोच्च न्यायालयानेही ॲड शिंदे यांची याचिका फेटाळून लावत, चंद्रकांत पाटील यांच्या विजयावर शिक्कामोर्तब केले आहे. सर्वोच्च न्यायालयाच्या निकालानंतर सर्वत्र जल्लोष करण्यात आले असून, विजय सत्याचाच झाला असल्याचे मत, व्यक्त होत आहे.
Subscribe
