मुक्तपीठ टीम
मुंबई मेट्रो रेल कॉर्पोरेशनद्वारे सहार रोड ते आंतरदेशीय विमानतळ स्थानकाचा टप्पाही पूर्ण झाला आहे. हा दीड किमी लांबीचा टप्पा भुयारीकरणाचा आहे. या मार्गातील हा ३६वा भुयारीकरणाचा टप्पा पूर्ण करण्यात आला आहे. या प्रसंगी कोची मेट्रो रेलचे व्यवस्थापकीय संचालक अल्केश शर्मा यांची प्रमुख उपस्थित होते. तापी-१ आणि तापी-२ या दोन टनेल बोअरिंग मशिन्स म्हणजेच टीबीएमच्या मदतीने पॅकेज-६ ने एकूण ४.४ किमीचे भुयारीकरण पूर्ण केले आहे.
“आज पॅकेज-६ मधील भुयारीकरण १००% पूर्ण करून मुं.मे.रे.कॉने आणखी एक महत्त्वाचा टप्पा गाठला आहे. या पॅकेजमधील दोन स्थानके आंतरदेशीय आणि आंतरराष्ट्रीय विमानतळ टर्मिनलवर आहेत. या दोन्ही स्थानकांना एअरपोर्ट टर्मिनलशी जोडले जाईल त्यामुळे विमानतळापर्यंत प्रवास करणे प्रवाश्यांना अधिक सोयिस्कर होणार आहे.’’ असे मुंबई मेट्रोचे व्यवस्थापकीय संचालक रणजीत सिंह देओल यांनी सांगितले.
“हार्ड रॉक तंत्रज्ञानाने सुसज्ज टेराटॅक निर्मित टीबीएम तापी -१ आणि २ द्वारे १५ महिन्यात भुयारीकरण पूर्णकरण्यात आले आहे. आंतरदेशीय विमानतळ स्थानकाचे जवळपास ७६.४% बांधकाम पूर्ण झाले आहे”, असे मुंबई मेट्रोचे प्रकल्प संचालक एस. के. गुप्ता म्हणाले.
मुंबई मेट्रो पॅकेज -६
- पॅकेज-६ अंतर्गत आंतरदेशील विमानतळ (CSMIA-T1), आंतरराष्ट्रीय विमानतळ (CSMIA-T2) आणि सहार रोड मेट्रो स्थानकांचा समावेश
- या पॅकेजमध्ये खालीलप्रमाणे ४ भुयारीकरणाचे टप्पे पूर्ण झाले आहेत.
- आंतरराष्ट्रीय विमानतळ (CSMIA-T2), ते सहार रोड (अपलाईन – ६८७ मीटर आणि डाउनलाईन – ६९२ मी), (सहार रोड ते आंतरदेशीय विमानतळ (CSMIA-T1), (अपलाईन – १५१५ मीटर आणि डाउनलाईन – १५१२ मीटर)
- मेट्रो-३ प्रकल्पाचे आतापर्यंत एकूण ५०.३ किमी (९३%) भुयारीकरण पूर्ण झाले आहे. (समाप्त)
पाहा व्हिडीओ:
Subscribe
