पंतप्रधान राष्ट्रीय बाल पुरस्कारासाठी नामांकने सादर करण्याची कालमर्यादा आता ३१ ऑक्टोबरपर्यंत

मुक्तपीठ टीम

केंद्रीय महिला आणि बाल विकास मंत्रालयाने पंतप्रधान राष्ट्रीय बाल पुरस्कारांसाठी नामांकने सादर करण्यासाठी आधी निश्चित केलेल्या ३० सप्टेंबर २०२२ या विहित कालमर्यादेचा विस्तार करून आता ३१ ऑक्टोबर २०२२ रोजी ५ वाजेपर्यंतचा कालावधी निश्चित केला आहे. राष्ट्रीय पुरस्कारांसाठीचे नवे पोर्टल (https://awards.gov.in/) आता कार्यान्वित झाले आहे अशी माहिती सामान्य जनतेला कळविण्यात येत आहे.

इच्छुक उमेदवारांनी उपरोल्लेखित राष्ट्रीय पुरस्कार पोर्टलवर नोंदणी करून पंतप्रधान राष्ट्रीय बाल पुरस्कारासाठी अर्ज सादर करावा. ज्यांनी या पुरस्कारासाठी https://nca-wcd.nic.in/ या जुन्या पोर्टलवर याआधीच नोंदणी केली आहे ते अर्जदार देखील नव्या पोर्टलवर नोंदणी करून नामांकने सादर करू शकतात