दहावी, बारावीच्या विद्यार्थ्यांसाठी महत्वाची बातमी; पुरवणी परीक्षांच्या तारखा जाहीर

मुक्तपीठ टीम

कोरोनाच्या तिसऱ्या लाटेच्या पार्श्वभूमीवर राज्य सरकारने दहावी आणि बारावीच्या परीक्षा रद्द करण्याचा निर्णय घेतला होता. मात्र आता दहावी, बारावीच्या पुरवणी परीक्षांच्या तारखांसंदर्भात शालेय शिक्षणमंत्री वर्षा गायकवाड महत्वाची घोषणा केली आहे. पर्यायी मूल्यांकन धोरणानुसार बोर्डानं निकाल जाहीर करण्यात आले होते. या निकालामध्ये उत्तीर्ण न झालेले विद्यार्थी आणि ए.टी.के.टीशाठी पात्र विद्यार्थ्यांची पुरवणी परीक्षा सप्टेंबर-ऑक्टोंबर महिन्यात घेण्यात येणार आहे. राज्य माध्यमिक शिक्षण मंडळानं यांसदर्भातल्या तारखा जाहीर केल्या आहेत.

कधी होणार दहावी, बारावीच्या परीक्षा?

• दहावीची परीक्षा बुधवारी २२ सप्टेंबर ते ८ ऑक्टोबर या कालावधीत होतील.
• ज्या विद्यार्थ्यांनी दहावीच्या पुरवणी परीक्षेसाठी अर्ज केला आहे त्यांनी यासंदर्भात त्यांच्या शाळेशी संपर्क साधून आवश्यक माहिती घेणं आवश्यक आहे.
• बारावीची परीक्षा १६ सप्टेंबर ते ११ ऑक्टोबर या कालावधीत पार पडेल.
• याशिवाय बारावीच्या व्यवसाय अभ्यासक्रमाची परीक्षा १६ सप्टेंबर ते ८ ऑक्टोबर यादरम्यान होतील.

As per dates declared by the @msbshse,SSC supplementary examinations 2021 (theory)will be held from Sept 22 to Oct 8,while HSC supplementary examinations (theory) will take place from Sept 16 to Oct 11 for general & bi focal courses,&from Sept 16-Oct 8 for vocational courses. pic.twitter.com/95pRoaxGYH

— Prof. Varsha Eknath Gaikwad (@VarshaEGaikwad) August 27, 2021

कधी होणार प्रात्याक्षिक परीक्षा?

• दहावीच्या प्रात्याक्षिक आणि तोंडी, श्रेणी परीक्षा २१ सप्टेंबर ते ४ ऑक्टोबरदरम्यान होतील.
• बारावीची प्रात्याक्षिक, श्रेणी आणि तोंडी परीक्षा १५ सप्टेंबर ते ४ ऑक्टोबर या दरम्यान होईल.

कुठे पाहाल सविस्तर वेळापत्रक?

• दहावी आणि बारावीच्या पुरवणी परीक्षांचं वेळापत्रक महाराष्ट्र राज्य माध्यमिक आणि उच्च माध्यमिक शिक्षण मंडळ, पुणे यांच्या वेबसाईटवर उपलब्ध करुन देण्यात आलं आहे.
• वेबसाईटवर उपलब्ध असलेलं वेळापत्रक हे केवळ माहितीसाठी आहे.
• महाविद्यालय आणि शाळांकडे देण्यात येणारं वेळापत्रक अंतिम असेल, अशी माहिती देण्यात आली आहे.