पूर्ण पाच वर्षे मविआचे नेतृत्व शिवसेनेकडेच! शरद पवारांनी अजित पवारांच्या प्रमोशनवर फुली मारली!!

मुक्तपीठ टीम

राज्यात शिवसेना, राष्ट्रवादी काँग्रेस आण काँग्रेस या तीन पक्षांनी एकत्र येत सरकार स्थापन केलं आहे. सरकारचं नेतृत्व हे शिवसेनेकडे असून हे आघाडी सरकार कधीही कोसळेल या चर्चेप्रमाणेच उरलेली अडीच वर्षे राष्ट्रवादीचा मुख्यमंत्री होणार अशीही चर्चा होत असते. अजित पवार हे आगामी काळात मुख्यमंत्री होणार असा अंदाज लावला जात असताना, हा अंदाज राष्ट्रवादीचे अध्यक्ष शरद पवार यांनी फोल ठरवला आहे. त्यांनी महाविकास आघाडीचे नेतृत्व पूर्ण पाच वर्षे शिवसेनेकडेच राहील असं आज स्पष्टपणे सांगितले.

सरकारचं नेतृत्व शिवसेनेकडेच

• शरद पवार आज पिंपरी चिंचवडच्या दौऱ्यावर होते.
• यावेळी त्यांनी पत्रकारांशी संवाद साधला.
• आगामी काळात अजित पवार मुख्यमंत्री होणार आहेत.
• त्याच भीतीमुळे भाजपा त्यांना अडचणीत आणण्याचा प्रयत्न करत आहे का? असा प्रश्न त्यांना विचारण्यात आला.
• या प्रश्नाला त्यांनी थेट उत्तर दिलं.
• राष्ट्रवादी, काँग्रेस आणि शिवसेना या तिन्ही पक्षांनी एकत्र बसून हे सरकार स्थापन करण्याचा निर्णय घेतला.
• यावेळी या सरकारचं नेतृत्व शिवसेनेकडे असेल ही गोष्ट सर्वांनी एकमताने मान्य केलेली आहे.
• त्यामुळे मुख्यमंत्रिपदाच्या ठिकाणी दुसरा कोणी व्यक्ती येण्याचा प्रश्न नाही.

जनता वेळोवेळी उत्तर देईल

• मी दिल्लीत होतो.
• तिथे मी काही लोकांशी भेटलो.
• सत्तेची गुर्मी काही लोकांच्या डोक्यात भरपूर आहे.
• ज्यांनी गाडी चालवली त्याचे वडील केंद्र सरकारमध्ये राज्यमंत्री आहेत.
• त्यामुळे साहजिकच आहे की, गंभीर गोष्ट घडल्यानंतर तसेच हत्तेचा आरोप झाल्यानंतर राजीनामा द्यायला हवा होता.
• पण सत्तेचा दर्प एवढा आहे.
• आम्ही काही वाट्टेल ते करू आम्ही सत्ता सोडणार नाही, हा उन्माद दाखवण्याचा प्रयत्न होत आहे.
• पण जनता त्याला वेळोवेळी उत्तर देईल.

“उद्धव ठाकरे मुख्यमंत्री कसे झाले?” पवारांनी उलगडला घटनाक्रम, फडणवीसांना आठवले महाभारत!