मुक्तपीठ टीम
बॉलिवूड अभिनेत्री शिल्पा शेट्टीचे पती राज कुंद्रा यांस गेल्या महिन्यात पॉर्नोग्राफी प्रकरणी अटक करण्यात आली. त्यानंतर शिल्पा सार्वजनिक जीवनापासून लांब होती. पतीला अटक झाली तेव्हा शिल्पा डान्स रिअॅलिटी शो ‘सुपर डान्सर ४’ मध्ये जज म्हणून सहभागी होती. परंतु या प्रकरणानंतर तिने शोमध्ये सहभागी होणे टाळले. आता जवळपास महिनाभर शोपासून दूर राहिल्यानंतर शिल्पा पुन्हा शोमध्ये परतली आहे. खास बात म्हणजे तिच्या पुनरागमनाच्या एपिसोडमध्ये ‘इंडियन आयडॉल १२’ चे विजेते पवनदीप राजन आणि इतर अंतिम फेरीतील स्पर्धक- अरुणिता कांजीलाल, सायली कांबळे, मोहम्मद दानिश, निहाल तरो आणि षण्मुखप्रिया यांचा आवाजही घुमणार आहे.
शिल्पाच्या पुनरागमनामुळे स्पर्धक मुलेही खूश
- शिल्पा शोच्या पहिल्या सीझनपासून शोसोबत आहे.
- ती नक्कीच परत येईल अशी शोच्या टीममधील सर्वांची अपेक्षा आणि इच्छा होती.
- शिल्पा आपल्या मोकळ्या आणि उत्साही वागण्यानं सर्वांना भारावून टाकते.
- विशेषत: तिची धमाल, तिची सकारात्मकता स्पर्धक मुलांना खूप आवडायची.
- शोच्या सेटवरील तिच्या पुनरागमनाने सर्व आनंदी झाले आहेत.
- आता शिल्पा शेट्टी, गीता कपूर आणि अनुराग बासू हे तीन परीक्षक पुन्हा एकदा एकत्र असतील.
शिल्पाचा गेस्ट अॅपीअरंस की पुनरागमन?
- शिल्पा आता शोच्या शेवटपर्यंत शोमध्ये असणार आहे.
- तिच्या बदल्यात आणखी कुणालातरी सहभागी केले जाईल, अशी चर्चा होती. पण तसा विचारच नव्हता, असा दावा निर्मात्यांनी केला आहे.
- तिच्या पुनरागमनामुळे सेटचे वातावरण उत्साहाने सळसळले आहे. असे ते म्हणाले.
- शिल्पाच्या अनुपस्थितीत संगीता बिजलानी, जॅकी श्रॉफ, टेरेन्स डिसूझा, सोनाली बेंद्रे, मौसमी चॅटर्जी, रितेश देशमुख, जेनेलिया डिसूझा आणि करिश्मा कपूर यांच्यासह अनेक सेलिब्रिटी गेस्ट अॅपीअरंसमध्ये दिसले.
- शिल्पाच्या कमबॅक एपिसोडमध्ये, ‘इंडियन आयडॉल १२’ चे विजेते पवनदीप राजन आणि इतर अंतिम फेरीतील स्पर्धक- अरुणिता कांजीलाल, सायली कांबळे, मोहम्मद दानिश, निहाल तरो आणि षण्मुखप्रिया सुद्धा दिसणार आहेत.
Subscribe
