मुक्तपीठ टीम
आज राज्याचंच नाही तर देशाच्या राजकीय वर्तुळातील अनेकांचे लक्ष लागून आहे ते शिवसेनेच्या पत्रकार परिषदेकडे. शिवसेना खासदार संजय राऊत आज दुपारी चार वाजता पत्रकार परिषद घेत भाजपाच्या साडेतीन नेत्यांबद्दल गौप्यस्फोट करणार आहेत. नेमके ते साडेतीन नेते कोण आहेत? संजय राऊतांच्या निशाणावर भाजपाचे कोणते नेते आहेत? दुपारी चार वाजता नेमका कोणता गौप्यस्फोट होणार याची उस्तुकता सामन्यांना जशी लागली आहे तशीच राजकीय नेत्यांनाही. आज पुण्यातल्या एका कार्यक्रमात भाजपाचे प्रदेशाध्यक्ष चंद्रकांत पाटील आणि राष्ट्रवादीच्या खासदार सुप्रिया सुळे यांनी राऊतांच्या पत्रकार परिषदेचा उल्लेख केला.
३ नंतर संजय राऊत यांचा सिक्सर – सुप्रिया सुळे
- तुम्ही तुमचं चॅनल आमच्या कॉमेंट्सवर चालवता.
- मग तुम्ही आम्हाला पैसे द्यायला हवेत असे सुळे यावेळी म्हणाल्या.
- मात्र, आता जे काही करायचे आहे ते तीन वाजण्याच्या आत करु, ३ नंतर संजय राऊत सगळे चॅनल टेक ओव्हर करतील.
- ३ नंतर संजय राऊत यांचा सिक्सर आहे.
- त्यामुळे दादा आपण आत्ताच आपली पब्लिसिटी करु.
- आपण वाट बघू संजय राऊत काय बोलतात ते.
- ते काही तरी महत्त्वाचेच बोलतील असे वाटते, कारण त्यांनी इशारा दिला आहे.
- सगळा देश त्यांना बघणार आहे.
- मी पण बघणार.
राऊत काय बोलणार हे मला कसं कळणार?- चंद्रकांत पाटील
- यावेळी बोलताना चंद्रकांत पाटील यांनी सुप्रिया सुळे यांचा राज्यसभेच्या खासदार सुप्रिया सुळे असा उल्लेख केला.
- नंतर मात्र, ते लोकसभेच्या खासदार म्हणाले.
- काल दत्ता मामा भरणे देवेंद्र फडणवीस यांना मुख्यमंत्री म्हणाले.
- आज मी तुम्हाला असं बोललो असे पाटील म्हणाले. आज सकाळपासूनच सारे चॅनेलवाले मल विचारत आहेत की, संजय राऊत काय बोलणार.
- राऊत काय बोलणार हे मला कसं कळणार?
Subscribe
