पोलीस आयुक्तांशी संपर्क साधायचा आहे? ९८६९७०२७४७वर एसएमएस, व्हॉट्सअॅप करा! फेसबुकवरही आहेत!!

मुक्तपीठ टीम

नुकतीच मुंबईच्या पोलीस आयुक्त पदावर नियुक्ती झालेले संजय पांडे यांनी सामान्य लोकांशी संवाद साधण्यासाठी तसेच कायदा व सुव्यवस्था राखण्यासाठी आपला पर्सनल मोबाईल नंबर फेसबुकवर शेअर केला आहे. मोबाईल नंबर देऊन, त्यांनी लोकांना त्यांच्या सूचना शेअर करण्यासाठी थेट त्याच्याशी संपर्क साधण्यास सांगितले आहे.

संजय पांडे यांची सोशल मीडिया पोस्ट

त्यांनी सोशल मीडियावर म्हटले की, ‘लहान असो वा मोठ्या सूचनांचे स्वागत आहे. मी सर्व संदेशांना उत्तर देण्याचा प्रयत्न करेन. आम्ही साप्ताहिक आधारावर काय काम करत आहोत ते देखील मी तुमच्यासोबत शेअर करेन. संजय पांडे यांनी सोशल मीडियावर लिहिले आहे की, ‘मी माझा पर्सनल क्रमांक९८६९७०२७४७ शेअर करत आहे. तुम्ही नेहमी माझ्यापर्यंत WhatsApp/टेक्स्ट मेसेज तसेच Facebook किंवा Twitter (@sanjayp_1) द्वारे संपर्क साधू शकता.

कोण आहेत संजय पांडे?

संजय पांडे यांनी यापूर्वी महाराष्ट्राच्या पोलिसांचं प्रमुखपद भूषवलं होतं.
याआधी महाराष्ट्राच्या पोलीस महासंचालक पदाची जबाबदारी यापूर्वी संजय पांडे यांच्याकडे होती.
नियुक्तीनंतर लगेचच संजय पांडे यांनी मुंबई पोलीस आयुक्तपदाची सुत्रे हाती घेतली आहेत.
संजय पांडे १९८६ च्या तुकडीतील आयपीएस अधिकारी आहेत.
१९९२-९३ मध्ये मुंबईत उसळलेल्या जातीय दंगलीच्या वेळी ते पोलीस उपायुक्त होते.
स्वच्छ प्रतिमा आणि भ्रष्टाचारी व गुन्हेगारांविरुद्ध धडक कारवाईसाठी ते प्रसिद्ध आहेत.