खासदार संभाजी छत्रपतींची भूमिका: “छत्रपतींच्या गड-किल्ल्यांची नावे द्या, पण वागणूकही साजेशी राखा!”

मुक्तपीठ टीम

राज्य मंत्रिमंडळातील मंत्र्यांच्या मंत्रालयासमोरील शासकीय निवासस्थानांची नावं गडकिल्ल्यांच्या नावाने ओळखली जाणार आहेत. महाविकास आघाडी सरकारच्या २० कॅबिनेट आणि राज्यमंत्र्यांच्या बंगल्यांना आता गडकिल्ल्यांचे नाव देणारा आदेश जारी करण्यात आला आहे. राज्याच्या सार्वजनिक आणि बांधकाम विभागाने काढलेल्या एका परिपत्रकानुसार आता मंत्रालयासमोरील मंत्र्यांच्या शासकीय बंगल्यांच्या नावांना गडकिल्ल्यांची नावे देण्यात येत आहे. या निर्णयाबद्दल खासदार संभाजी छत्रपती यांनी मत व्यक्त केलं आहे.

किल्ल्याच्या नावाला साजेशी वागणूक असावी!

• संभाजी छत्रपती नांदेडमध्ये बोलत होते.
• खासदार संभाजी छत्रपती एका समर्थकाच्या जीमच्या उद्घाटनाच्या निमित्तानं नांदेडमध्ये आले होते त्यावेळी त्यांनी राज्य सरकारच्या निर्णयावर मत व्यक्त केलं.
• खासदार संभाजी छत्रपती एका जीमच्या उद्घाटनाच्या निमित्तानं नांदेडमध्ये आले होते.
• त्यावेळी त्यांनी राज्य सरकारच्या निर्णयासंदर्भात प्रतिक्रिया व्यक्त केलीय.
• मंत्र्यांच्या बंगल्यांना गडकोट किल्ल्याचे नाव दिल्याप्रकरणी त्यांनी आपली भूमिका व्यक्त केलीय.
• मंत्र्याच्या बंगल्याला गड किल्ल्याचे नाव देण्यात गैर काही नाही पण किल्ल्याच्या नावाला साजेशी वागणूक तिथे असावी.

शिवप्रेमींनी केला होता पाठपुरवठा

• राज्य मंत्री मंडळातील सर्व मंत्र्यांचे शासकिय निवासस्थान असलेल्या बंगल्यांना आता गड आणि किल्यांचे नावं देण्यात येणार आहे.
• राज्यभरातील शिवप्रेमींनी यासाठी सतत पाठपुरवठा केला होता.
• त्यांनी या संदर्भात उच्च आणि तंत्र शिक्षण मंत्री उदय सामंत यांच्याकडे प्रस्ताव दिला होता.
• उदय सामंत यांनी या प्रस्तावावर सकारात्मक पाठपुरवठा केला आणि सार्वजनिक बांधकाम मंत्री अशोक चव्हाण आणि मुख्यमंत्री उद्धव ठाकरे यांच्या अंतीम मंजुरीनंतर मंत्र्यांच्या शासकिय निवास्थानांचं नामांतर करण्यात आलंय.
• आता मंत्र्यांच्या शासकिय निवास्थानांना राज्यातील प्रसिद्ध गड आणि किल्यांचे नावं मिळणार आहे.

खालील बंगल्यांची नावे बदलण्यात आली आहेत.

• अ ३ – शिवगड (जितेंद्र आव्हाड)
• अ ४ – राजगड (दादा भुसे)
• अ ५ – प्रतापगड (केसी पाडवी)
• अ ६ – रायगड (आदित्य ठाकरे)
• अ ९ – लोहगड –
• बी १ – सिंहगड (विजय वड्डेटीवार)
• बी २ – रत्नसिंधू (उदय सामंत)
• बी ३ – जंजिरा (अमित देशमुख)
• बी ४ – पावनगड (वर्षा गायकवाड)
• बी ५ – विजयदुर्ग (हसन मुश्रीफ)
• बी ६ – सिद्धगड (यशोमती ठाकूर)
• बी ७ – पन्हाळगड (सुनील केदार)
• क १ – सुवर्णगड (गुलाबराव पाटील)
• क २ – ब्रह्मगिरी (संदीपान भुमरे)
• क ३ – पुरंदर
• क ४ – शिवालय
• क ५ – अजिंक्यतारा (अनिल परब)
• क ६ – प्रचितगड (बाळासाहेब पाटील)
• क ७ – जयगड
• क ८ – विशाळगड