रशियाच्या स्पुतनिक लसीचा एक डोस हजार रुपयांना! हैदराबादमध्ये भारतातील पहिला डोस!!

मुक्तपीठ टीम

रशियाची कोरोनाविरोधातील लस स्पुतनिकचा भारतातील पहिला डोस हैदराबादमधील एका व्यक्तीने घेतला आहे. स्पुतनिकच्या ट्विटर हँडलने दीपक सप्रू यांनी भारतात रशियन लसीचा पहिला डोस घेतला असल्याचे जाहीर केले. या लसीच्या एका डोससाठी एक हजार रुपये मोजावे लागणार आहेत.

दीपक सप्रू हे डॉ. रेड्डीज लॅबमध्ये फार्मा सर्व्हिसचे ग्लोबल हेड आहेत. या लसीच्या एका डोसची किंमत एक हजार रुपये आहे. डॉ. रेड्डीज लॅबने ही लस भारतात आयात केली आहे. डॉ. रेड्डीज लॅब रशियाची लस भारतात तयार करण्याची तयारी करत आहे. भारतात उत्पादन सुरू झाल्यावर लसीची किंमत कमी होण्याची शक्यता आहे.

First doses of #SputnikV administered in India. On the picture Deepak Sapra, Global Head of Custom Pharma Services at @drreddys Laboratories is getting a shot of Sputnik V in Hyderabad. ✌️ pic.twitter.com/iBbTeB2DmT

— Sputnik V (@sputnikvaccine) May 14, 2021

स्पुतनिकमुळे लस टंचाई कमी होण्याची शक्यता

स्पुतनिक लसही दोन डोस घ्यावी लागेल.
एका डोसची किंमत हजार रुपये आहे.
दोन्ही डोससाठी घ्यावे लागतील तर तुम्हाला दोन हजार रुपये द्यावे लागतील. हैदराबादमध्ये पहिला डोस दिल्यानंतर या लसीची किंमत जाहीर करण्यात आली आहे.
पुढील आठवड्यापासून रशियाची कोरोना लस भारतात उपलब्ध होईल, त्यामुळे लसीकरणाची गती वेगवान होईल.
मे रोजीच लसची पहिली तुकडी भारतात पोहोचली. बारा दिवसानंतर, लसीकरणाला केंद्रीय औषध नियामकांनी मान्यता दिली आणि आज या लसीचा पहिला डोस देण्यात आला.
कंपनी सध्या अधिक लस मागवण्याची तयारी करत आहे.