मुक्तपीठ टीम
काही दिवसांपूर्वी “कंतारा” हा चित्रपट प्रदर्शित झाला. “कंतारा” चित्रपटाने देशभरातील बॉक्स ऑफिसवर यशस्वी कामगिरी केली. हा चित्रपट लोकांच्या मनामनात पोहोचला. अगदी जबरदस्त प्रतिसाद पाहायला मिळत आहे. कन्नड हिट चित्रपट “कंतारा” चित्रपट गृहांमध्ये प्रदर्शित झाल्यानंतर आता तो OTT वर प्रदर्शित झाला आहे. ‘कांतारा’ अभिनेता आणि दिग्दर्शक ऋषभ शेट्टीचा चित्रपट २४ नोव्हेंबर रोजी OTT प्लॅटफॉर्म Amazon Prime वर प्रदर्शित झाला आहे. ‘कांतारा’ ओटीटी रिलीज अॅमेझॉन प्राइमवर कन्नड, तामिळ, तेलुगु आणि मल्याळममध्ये रिलीज झाला आहे. प्रेक्षकांना आता घर बसल्या या चित्रपटाचा आनंद लुटता येईल.
कमल हसन यांनीही केले ‘कांतारा’चे कौतुक…
- ऋषभ शेट्टीचा ‘कांतारा’ हा चित्रपट चर्चेचा विषय ठरला आहे आणि जवळपास सर्वच सेलिब्रिटींसह सर्वजण त्याचे कौतुक करत आहेत.
- रजनीकांत यांच्यासारख्या मेगास्टारनंतर नुकतेच सुपरस्टार कमल हसन यांनीही या चित्रपटाचे कौतुक केले.
- त्यांनी कांतारा पाहिला आणि चित्रपटाचे जोरदार कौतुक केले.
- त्यांना हा चित्रपट इतका आकर्षक वाटला की, त्यांनी ऋषभ शेट्टीला फोन केला आणि या चित्रपटाची कथा खूप प्रेरणादायी असल्याचे सांगितले.
‘कांतारा’ ३० सप्टेंबर रोजी संपूर्ण भारतात हिंदी भाषेसह चित्रपटगृहांमध्ये प्रदर्शित झाला. कांताराची निर्मिती होम्बल फिल्म्सने केली असून यात कन्नड अभिनेते ऋषभ शेट्टी, अच्युथ कुमार, प्रमोद शेट्टी, सप्तमी गौडा आणि किशोर यांनी भूमिका केल्या आहेत. ‘कांतारा’ हा दक्षिण कर्नाटकातील एका काल्पनिक गावावर आधारित आहे, ज्यामध्ये ऋषभ शेट्टी कंबाला चॅम्पियनची मुख्य भूमिका साकारत आहे.
Subscribe
