महाराष्ट्रासह ५ राज्यांमधील राज्यसभेच्या रिक्त जागांसाठी निवडणुका जाहीर

मुक्तपीठ टीम

निवडणूक आयोगाने महाराष्ट्रासह ५ राज्यांच्या ६ जागांसाठी राज्यसभेच्या रिक्त जागांसाठी निवडणुकांची तारीख जाहीर केली आहे. महाराष्ट्र, पश्चिम बंगाल, आसाम, मध्य प्रदेश आणि तामीळनाडूमध्ये या निवडणुका होतील. यात पश्चिम बंगाल, आसाम, महाराष्ट्र आणि मध्य प्रदेशमध्ये प्रत्येकी १ आणि तामीळनाडूमध्ये २ जागांचा समावेश आहे. ४ ऑक्टोबरला मतदान होणार असून संध्याकाळपर्यंत निकाल जाहीर होईल.

राज्यसभेच्या रिक्त जागा खालीलप्रमाणे

• महाराष्ट्र – काँग्रेसचे नेते राजीव सातव यांचं निधन
• मध्य प्रदेश – थावरचंद गेहलोत यांचा राजीनामा
• प. बंगाल – मानस रंजन भुनिया यांचा राजीनामा
• आसाम – बिस्वजीत दैनीमरी यांचा राजीनामा
• तामीळनाडू – के.पी.मुनूसामी यांचा राजीनामा
• तामीळनाडू – आर. वैथिलिंगम यांचा राजीनामा

निवडणुकीचं वेळापत्रक खालीलप्रमाणे

• १५ सप्टेंबर २०२१ – अधिसूचना जाहीर होणार
• २२ सप्टेंबर २०२१ – अर्ज करण्याची तारीख
• २३ सप्टेंबर २०२१ – अर्जाची छाननी होणार
• २७ सप्टेंबर २०२१ – अर्ज मागे घेण्याची तारीख
• ४ ऑक्टोबर २०२१ – मतदानाचा दिवस
• ४ ऑक्टोबर २०२१ – मतमोजणी होणार