राज ठाकरेंचा ठाकरे सरकारला सवाल: एक लाख कर्मचारी अंगावर आले, तर काय कराल?

मुक्तपीठ टीम

राज्यातील एसटी कर्मचाऱ्यांचा संप अद्यापि मिटलेला नाही. त्यातच संपकरी एसटी कर्मचाऱ्यांना परिवहनमंत्री अनिल परब यांनी अल्टिमेटम दिले आहे. या पार्श्वभूमीवर मनसे अध्यक्ष राज ठाकरे यांनी एक लाख कर्मचारी अंगावर आले, तर काय कराल? असा रोखठोक सवाल उपस्थित केला आहे. राज ठाकरे सध्या नाशिक दौऱ्यावरआहेत. तेथे त्यांनी पत्रकार परिषद घेत एसटी कर्मचाऱ्यांच्या समर्थनार्थ आपली भूमिका मांडली. यावेळी त्यांनी राज्य सरकारवरही टीका केली.

एक लाख कर्मचारी अंगावर आले, तर काय कराल?

• राज म्हणाले, एसटीच्या संपाची मी माहिती घेतली आहे.
• सगळ्या संघटना बाजूला सारून हा संप सुरू आहे.
• लोकांसाठी राज्य असते.
• त्यांच्याशी अरेरावीची, कायद्याची भाषा बोलू नये. कर्मचाऱ्यांच्या मागण्या, प्रश्न समजावून घ्या.
• त्यांचे चार-चार महिने पगार नाहीत.
• दिवाळी पगाराविना गेली.
• अशात तुम्ही अरेरावीची भाषा करता. हे योग्य नाही.
• याप्रकरणी मुख्यमंत्र्यांनी अधिकृत बोलावे.
• शिवाय खासगीकरण करण्याऐवजी एखादी मॅनेजमेंट कंपनी काढा.
• इकडे मात्र, तुम्ही एकही पाऊल उचल नाही.
• त्यांना वाऱ्यावर सोडून देऊन अरेरावाची भाषा करणे योग्य नाही.
• एक लाख कर्मचारी अंगावर आले, तर काय कराल, असा प्रश्न राज यांनी विचारला.

इथं चालतं, तिथं नाही…कोरोना नियमांची चेष्टा!

• राज ठाकरे म्हणाले की, कोरोनाच्या नावाखाली यांना सूट, त्यांना नाही असे सुरू आहे.
• थिएटरमध्ये मास्क लावायचा नाही. एक खुर्ची मोकळी सोडायची.
• मग हेच नियम रेस्टॉरंटला लागू नाहीत.
• त्यामुळे थिएटरमध्ये मास्क लावल्यामुळे अनेकांचे प्रॉब्लेम झाले.

राज ठाकरेंनी सांगितला किस्सा

• याप्रसंगी त्यांनी आचारसंहितेच्या नियम पालनाचा किस्सा सांगितला.
• ९५ मध्ये निवडणूक आचारसंहिता आणली.
• तिचे नियमही लोकांना स्पष्ट माहित नव्हते.
• त्यामुळे एक कॅमेरावाला माझ्या मागे लागला.
• तेव्हा त्याला मी बाथरूमला चाललोय हे सांगावे लागले.