मालेगाव हिंसाचार प्रकरणी रझा अकादमीच्या कार्यालयावर छापे

मुक्तपीठ टीम

मालेगावातील रझा अकादमीच्या कार्यालयावर मध्यरात्री पोलिसांनी छापा टाकल्याची माहिती समोर आली आहे. या छापेमारीत झडती घेत काही पत्रके व दस्तावेज ताब्यात घेतले आहेत. त्रिपुरा येथील कथित घटनेच्या निषेधार्थ रझा अकादमीने मालेगावात मोर्चा काढला होता. या मोर्चात दगडफेक आणि तोडफोड झाली होती.

मालेगाव पोलिसांची कारवाई

मालेगाव शहरातील रझा अकादमीच्या कार्यालयावर पोलिसांनी मंगळवारी रात्री छापा टाकला.
पोलिसांनी कार्यालयाची झडती घेतली.
यावेळी पोलिसांनी काही कागदपत्रे जप्त केली.
तसेच पोलिसांनी या प्रकरणी वेगवेगळे ४ गुन्हे दाखल केले आहेत.
त्यात रझा अकादमीच्या पदाधिकाऱ्यांचा देखील समावेश आहे.
विशेष म्हणजे पोलिसांनी या हिंसाचार प्रकरणी जवळपास ४२ संशयितांना बेड्या ठोकल्या आहेत.

रझा अकादमीच्या लोकांना पैसे वाटपाचा आरोप

आमदार मौलाना मुफ्ती म्हणाले की, दंगलीप्रकरणी अटक केलेला एक नगरसेवक हा राष्ट्रवादी काँग्रेसचा आहे. (याचा इंकार झाला आहे)
एक संशयित नगरसेवक जनता दलाचा असून, तो सध्या फरार आहे.
मुंबईतून रझा अकादमीच्या काही लोकांना पैसे वाटले.
दंगलीच्या एकदिवस अगोदरच्या रात्री दंगेखोरांनी दगड आणून ठेवले होते.
वीस वर्षांपासून मालेगाव शांत आहे.
मात्र, काही जण ते मुद्दाम पेटवत आहेत, असा आरोप आमदार मौलाना मुफ्ती यांनी केला.