राष्ट्रवादीनेच उचलला होता मविआ सरकार पाडण्याचा विडा, प्रकाश आंबेडकरांचा आरोप

मुक्तपीठ टीम

महाविकास आघाडी सरकार पाडण्याचा विडा राष्ट्रवादीने उचलला होता, असा गंभीर आरोप वंचित बहुजन आघाडीचे राष्ट्रीय अध्यक्ष प्रकाश आंबेडकर यांनी केला आहे. सांगलीत प्रकाश आंबेडकर यांनी प्रसारमाध्यमांशी संवाद साधला, त्यावेळी ते बोलत होते.आम्ही काँग्रेस आणि शिवसेनेवर आघाडी करायला तयार, मात्र आमच्या प्रस्तावाला त्यांच्याकडून प्रतिसाद नाही, असेही ते म्हणाले.

महाविकास आघाडीचे सरकार पाडण्याचा विडा राष्ट्रवादीने उचलला होता!!

• आम्ही काँग्रेस आणि शिवसेनेसोबत आघाडी करायला तयार आहोत, मात्र आमच्या प्रस्तावाला त्यांच्याकडून अद्याप अधिकृतपणे प्रतिसाद आला नाही असे प्रकाश आंबेडकर यांनी म्हंटल.
• त्याचवेळी त्यांनी राष्ट्रवादी काँग्रेसवर महाविकास आघाडी सरकार पाडल्याचा आरोपही केला आहे.
• महाविकास आघाडी सरकार पाडण्याचा विडा जे कोणी उचलला असेल तर तो राष्ट्रवादी काँग्रेसनेच उचलला असा थेट आरोप त्यांनी केला.
• त्यांच्या या आरोपाला आता राष्ट्रवादी काँग्रेसकडून काय प्रत्युत्तर येत हे आता पहावं लागेल.

पंतप्रधान मोदींवरही साधला निशाणा!

• यावेळी प्रकाश आंबेडकर यांनी देशाचे पंतप्रधान नरेंद्र मोदी यांच्यावरही सडकून टीका केली आहे.
• देशाची वाटचाल राजेशाही आणि हुकूमशाहीकडे वाटचाल करत आहे.
• दारुड्याला दारू पिण्यास पैसे मिळाले नाही, तर तो घरातील भांडी विकतो.
• पंतप्रधान नरेंद्र मोदींची त्या दारुड्या सारखी अवस्था झाली आहे असं म्हणत प्रकाश आंबेडकर यांनी मोदींवर निशाणा साधला आहे.

राहुल गांधी यांचं आंदोलन दुसरीकडेच चाललंय!!

• देशाची वाटचाल राजेशाही आणि हुकूमशाहीकडे सुरू आहे.
• नेहरूंनी कबुतरं सोडली होती, मात्र ती वाढदिवशी सोडली नव्हती.
• मात्र मोदींनी वाढदिवशी चित्ते सोडले असून एक प्रकारे दहशत पसरवली जात आहे.
• प्रकाश आंबेडकरांनी राहुल गांधीच्या यात्रेवर देखील टीका केली आहे.
• भारत तुटला कुठं आहे की, त्याला जोडायला, देश कुठ चालला आहे आणि राहुल गांधी यांचं आंदोलन दुसरीकडेच चाललं आहे.