मुक्तपीठ टीम
टीव्ही कार्यक्रम ‘भाबी जी घर पर हैं’ मध्ये अंगुरी भाभीची भूमिका साकारणारी अभिनेत्री शुभांगी अत्रे हिला बिग बॉस सीझन १५ आणि नच बलिए १० या रिअॅलिटी शोच्या ऑफर आल्या आहेत. ही माहिती स्वत: अभिनेत्रीने एका मुलाखतीच्या वेळी सांगितली आहे.
शुभांगी म्हणाली की, गेल्या वर्षीप्रमाणे यावर्षी देखील मला रिअॅलिटी शो निर्मात्यांनी अप्रोज केले आहे. शोमध्ये ‘बिग बॉस १५’ आणि ‘नच बलिये १०’ चा समावेश आहे. ‘नच बलिए १०’ च्या निर्मात्याने, मला माझ्या पती पियुषसोबत सामील होण्यास सांगितले आहे.
शुभांगीही या शोची प्रॅक्टिस सुरू करत असल्याची बातमी आहे. तसेच, कोरोना विषाणूची लागण झाल्यानंतर ती सध्या शांत आहे. ती म्हणते की, “मी याच्या सरावाला सुरूवात केली होती पण मला कोरोनाची लागण झाली. आता मला खात्री आहे की, हा शो यावर्षी होणार नाही. जिथे मी एक शास्त्रीय नर्तिका आहे. त्यामुळे, माझ्या पतीचा मला सराव घ्यावा लागेल.”
शुभांगी केवळ सर्वोत्कृष्ट अभिनेत्रीच नाही तर ती एक प्रशिक्षित कथ्थक नर्तिक देखील आहे. ती नेहमीच तिच्या डान्सचे व्हिडिओ सोशल मीडियावर शेअर करते. बिग बॉस १५ विषयी, शुभांगी अत्रे पुढे सांगते की, हा शो एक चांगला शो आहे. पण मला वादापासून दूर राहणे आवडते. त्यामुळे मी या शोबद्दल अजून ठरवलेलं नाही आहे. ती पुढे म्हणते की, बिग बॉस १४ मध्येही मला अप्रोच करण्यात आले होते. यावेळी देखील मला एक ऑफर आली. शुभांगी या शोबद्दल सांगते की, त्याची संकल्पना अशी आहे की, आपण जे करू इच्छित नाही तरीही आपल्याला बर्‍याच वेळा शिवीगाळ करावी लागते. माझी मुलगी १५ वर्षांची आहे. मला तिच्यासमोर चुकीचे उदाहरण ठेवायचे नाही.
शुभांगी अत्रेला कोरोना झाला होता. तिने स्वत: ला आयसोलेट केले आणि उपचार घेत होती आणि कोरोनावर मात केली. आता ती कोरोना मुक्त आहे. ती म्हणाली की, ‘गेल्या वर्षी मी कोरोनाबद्दल तितकीशी गंभीर नव्हती. ती म्हणते की कोरोनाची दुसरी लाट खरोखर खूप संक्रमित आणि गंभीर आहे. लोक अजूनही निष्काळजी आहेत. लोक मार्गदर्शक तत्त्वांकडे दुर्लक्ष करतात आणि मास्क घालण्यास टाळा-टाळ करतात आणि सरकारला दोष देत आहेत.
Subscribe
