मुक्तपीठ टीम
बनावट जात प्रमाणपत्र प्रकरणी अमरावतीच्या खासदार नवनीत राणा आणि त्यांच्या वडिलांविरोधात नवे अजामीनपात्र वॉरंट जारी करण्यात आले आहे. यापूर्वी, न्यायालयाने सप्टेंबरमध्ये राणा आणि त्याच्या वडिलांविरुद्ध अजामीनपात्र वॉरंट जारी केले होते, ज्यावर कारवाई अद्याप व्हायची आहे. सोमवारी हे प्रकरण सुनावणीसाठी आले असता, अमरावतीचे खासदार आणि त्यांच्या वडिलांविरुद्ध वॉरंट बजावण्यासाठी पोलिसांनी आणखी वेळ मागितला.
पोलिसांनी तातडीने कारवाई करण्याचे निर्देश दिले
पोलिसांनी वॉरंट बजावण्यासाठी मागितलेली वेळ न्यायालयाने फेटाळून लावत तातडीने कारवाई करण्याचे निर्देश दिले. त्यानंतर महानगर दंडाधिकारी पीआय मोकाशी यांनी दोघांविरुद्ध नवे अजामीनपात्र वॉरंट जारी केले.
२८ नोव्हेंबरला पुन्हा सुनावणी होणार-
- वॉरंटवर अहवाल दाखल करण्यासाठी न्यायालयाने या प्रकरणाची सुनावणी २८ नोव्हेंबरपर्यंत तहकूब केली आहे.
- मुंबईच्या मुलुंड पोलिस ठाण्यात दाखल केलेल्या तक्रारीनुसार, राणा आणि त्यांच्या वडिलांनी जात प्रमाणपत्र बनावट असल्याचा आरोप केला आहे कारण त्या निवडून आलेली अनुसूचित जातीसाठी आरक्षित होती.
- परंतु राणा यांनी त्या अनुसूचित जातीतील असल्याचा दावा केला होता आणि निवडणुकीला उभ्या राहिल्या होत्या.
सोमवारी न्यायालयात काय घडले?
- या प्रकरणी दाखल तक्रारीप्रकरणी शिवडी महानगरदंडाधिकाऱ्यांसमोर सोमवारी सुनावणी झाली.
- त्यावेळी राणा आणि त्यांचे वडील न्यायालयात हजर झाले नाहीत.
- शिवाय या दोघांविरोधात बजावण्यात आलेल्या अजामीनपात्र अटक वॉरंटवर कारवाई केली गेली नसल्याची बाब न्यायालयाच्या निदर्शनास आणून दिली.
- न्यायालयानेही त्याची दखल घेतली. तसेच आदेश देऊनही राणा आणि त्यांच्या वडिलांविरोधातील अजामीनपात्र अटक वॉरंटवर अंमलबजावणी का करण्यात आली नाही ?
- त्यावर राणा यांच्या मुंबईतील निवासस्थानी गेलो असता त्या तिथे नव्हत्या, असे सांगण्यात आले.
- परंतु पोलिसांच्या या उत्तराबाबतही न्यायालयाने नाराजी व्यक्त केली. तसेच राणा या मुंबईत नसल्या तरी राज्यातच आहेत ना ? मग त्या तुम्हाला का सापडत नाहीत ? अशी विचारणा करून न्यायालयाने सबबी न सांगण्याचे बजावले.
- न्यायालयाने फटकारल्यानंतर राणा यांच्याविरोधात बजावण्यात आलेल्या अजामीनपात्र अटक वॉरंटवर कारवाई करण्यासाठी वेळ देण्याची मागणी पोलिसांनी केली.
- मात्र पोलिसांची ही मागणी न्यायालयाने फेटाळली.
Subscribe
