बूस्टर डोससाठी नव्या नोंदणीची गरज नाही! खासगी रुग्णालयांमध्ये 'हे' दर!

मुक्तपीठ टीम

देशात बूस्टर डोस देण्यास सुरुवात झाली आहे. केंद्रीय आरोग्य सचिवांनी आज १८-५९ वयोगटातील बूस्टर डोसबाबत राज्ये/केंद्रशासित प्रदेशांच्या सर्व आरोग्य सचिवांसोबत बैठक घेतली. या बैठकीत सरकारने म्हटले आहे की, बूस्टर डोस हा पहिल्या आणि दुसऱ्या डोस घेतलेल्या लसीचाच असेल. तसेच, बूस्टर डोससाठी वेगळ्या नोंदणीची आवश्यकता नाही. सर्व लाभार्थी आधीच कोविन अॅपवर नोंदणीकृत आहेत.

केंद्र सरकारने १० एप्रिलपासून खासगी केंद्रांवर १८ वर्षांवरील सर्व नागरिकांना बूस्टर डोस देण्याचा निर्णय घेतला आहे. ज्यांना लसीचा दुसरा डोस मिळून नऊ महिने पूर्ण झाले आहेत ते या डोससाठी पात्र असतील. लवकरच कोविनवर यासाठी बुकिंग स्लॉटही सुरू केले जातील.

केंद्रीय आरोग्य मंत्रालयाने शुक्रवारी सांगितले की, सरकारी लसीकरण केंद्रांवर मोफत प्राथमिक कोरोना लसीकरण कार्यक्रम आणि ६० वर्षांवरील व्यक्ती, आरोग्य कर्मचारी आणि आघाडीवर असलेल्या कर्मचाऱ्यांना प्रतिबंधात्मक डोस देण्याचा कार्यक्रम सुरूच राहील. त्याला आणखी गती दिली जाईल. नागरिकांचे प्राथमिक लसीकरण झालेल्या लसीचे सावधगिरीचे डोस देखील घेतले जातील. खाजगी केंद्रांमध्ये, लोकांना लसीसाठी पैसे द्यावे लागतात, ज्यासाठी प्रत्येक लसीसाठी वैयक्तिक किंमती आधीच निश्चित केल्या आहेत. खाजगी लसीकरण केंद्रे लसीकरणासाठी सेवा शुल्क म्हणून जास्तीत जास्त १५० रुपयेच आकारू शकतात.

किती डोस

१५ वर्षे+ वयोगटातील ९६% लोकसंख्येने किमान एक डोस घेतला आहे आणि ८३% लोकांनी दोन्ही डोस घेतले आहेत.
६० वर्षांहून अधिक वयाचे लोक, आरोग्य कर्मचारी इत्यादींना २.४ कोटी सावधगिरीचे डोस मिळाले आहेत.
१२-१४ वर्षे वयोगटातील, ४५% किशोरवयीन मुलांना लसीचा पहिला डोस देण्यात आला आहे.