अंबानींच्या घराबाहेरील स्फोटकांच्या प्रकरणाशी तिहारमधील दहशतवाद्याचा संबंध नाही!

मुक्तपीठ टीम

महाराष्ट्रातील राजकारणात भूकंप घडवणाऱ्या उद्योगपती मुकेश अंबानी यांच्या अँटिलिया निवासस्थानाबाहेर सापडलेल्या स्फोटकांच्या गाडीप्रकरणी आता नवीन माहिती समोर आली आहे. दिल्ली पोलिसांच्या चौकशीत तिहार तुरूंगातील इंडियन मुजाहिद्दीनचा दहशतवादी तहसीन अख्तरचा त्या प्रकरणाशी काहीच संबध नसल्याचे उघड झाले आहे. या दहशतवाद्याने केवळ चर्चेत येण्यासाठी फेब्रुवारीमध्ये उद्योगपती मुकेश अंबानी यांच्या घराबाहेर स्फोटकांनी भरलेली गाडी पार्क करण्यामागे आयएम असल्याची जबाबदारी घेतली होती.

अंबानींच्या निवासस्थानाबाहेरील स्फोटकांचे प्रकरण

• २५ फेब्रुवारीला मुंबईतील अंबानी यांच्या निवासस्थानी अँटिलियाच्या बाहेर रस्त्यावर २० जिलेटिनच्या काड्यांसह स्कॉर्पिओ वाहन सापडले होते.
• केंद्रीय गुप्तचर यंत्रणांनी १० मार्च रोजी जैश-उल-हिंद या दहशतवादी गटाचा टेलीग्रामवर आलेली संदेश ट्रेस केला.
• स्फोटकांची गाडी पुढे त्या प्रकरणातील तपास अधिकारी सचिन वाझे यांना आरोपी करण्यात आले होते आणि त्यांना मुंबई पोलिस सेवेतून काढून टाकण्यात आले होते.
• उभी करण्याची जबाबदारी जैश-उल-हिंद या दहशतवादी गटाच्यावतीने घेण्यात आली होती.
• तिहार कारागृहात बंदिस्त असलेल्या इंडियन मुजाहिद्दीनचा दहशतवादी तहसीन अख्तरच्या सेलमधील एका फोनमधून हा संदेश पोस्ट झाला होता.
• मात्र, आता त्याने केवळ चर्चेत राहण्यासाठी बनावट संदेश पोस्ट केल्याचा दावा पोलिसांनी केला आहे.
• हे संपूर्ण प्रकरण सचिन वाझेने घडवून आणल्याचा आरोप आहे. ती गाडी ठेवण्यासाठी त्याने ज्याचा वापर केला मनसुख हिरेनच्या हत्येचाही वाझेंवर आरोप आहे.
• या प्रकरणात राजकारणही ढवळून निघाले होते. तत्कालिन पोलीस आयुक्त परमबीर सिंह यांची बदली करण्यात आली. त्यांच्या १०० कोटींच्या खंडणी आरोपांमुळे तत्कालिन गृहमंत्री अनिल देशमुखांनाही राजीनामा द्यावा लागला.

कोण आहे दहशतवादी अख्तर?

• अख्तर २०१३ मध्ये हैदराबाद बॉम्बस्फोट प्रकरणात तुरुंगात फाशीची शिक्षा भोगत आहे.
• एका महिन्यासाठी दिल्ली पोलिसांनी अख्तरची चौकशी केली. त्याने सुरुवातीला म्हटले होते की, त्याच्या नवीन दहशतवादी गटाने अँटिलियाच्या बाहेर गाडी पार्क केली होती.
• परंतु महिनाभराच्या चौकशीनंतर त्याने हे सर्व खोटे असल्याचे कबूल केले
• अंबानी स्फोटके प्रकरणात इंडियन मुजाहिद्दीन किंवा त्याच्या नव्या दहशतवादी संघटनेची कोणतीही भूमिका नसल्याचे पोलिसांनी त्यांच्या अहवालात माहिती दिली आहे.